7 C
Grindavik
2. mars, 2021

1,2 milljarða króna halli áætlaður

Skyldulesning

Gert er ráð fyrir að veltufé frá rekstri verði 5,5% …

Gert er ráð fyrir að veltufé frá rekstri verði 5,5% af heildartekjum eða 1,7 milljarðar króna.

Ljósmynd/Hafnafjarðarbær

Áætlaður rekstrarhalli A og B hluta Hafnarfjarðar á árinu 2021 nemur 1.221 milljón króna. Fjárhagsáætlun bæjarins var lögð fram til seinni umræðu og samþykkt á fundi bæjarstjórnar Hafnarfjarðar í dag. Á næsta ári ætlar bærinn sér að selja lóðir að andvirði 500 milljóna króna og kaupa félagslegt húsnæði fyrir 500 milljónir króna. 

Útsvarsprósenta í bæjarfélaginu helst óbreytt en hún er nú 14,48%. Þá er ekki gert ráð fyrir því að verðskrár hækki nema mögulega í takt við vísitölu. 

Fjárhagsáætlunin nær til næsta árs auk þriggja ára áætlunar fyrir árin 2022-2024. Gert er ráð fyrir að veltufé frá rekstri verði 5,5% af heildartekjum eða 1,7 milljarðar króna.

Leggja áherslu á að lágmarka áhrif á íbúa

Í tilkynningu frá Hafnarfjarðarbæ kemur fram að hann hafi þurft að bregðast við efnahagslegum og samfélagslegum afleiðingum Covid-19 heimsfaraldursins, sem dregið hefur úr útsvarstekjum og samhliða aukið við félagsleg útgjöld.

„Lögð hefur verið áhersla á að lágmarka áhrif faraldursins á íbúa Hafnarfjarðar og koma í veg fyrir að efnahagsáfallið leggi klafa á bæjarfélagið til frambúðar. Það hefur verið gert með samræmdum aðgerðum sem falið hafa í sér markvissa hagræðingu, hóflegar lántökur og eignasölu,“ segir í tilkynningunni.

Aðrar helstu niðurstöður fjárhagsáætlunarinnar:

  • Rekstrarniðurstaða A- og B-hluta neikvæð um 1.221 milljón króna.
  • Skuldaviðmið 114% í árslok 2021.
  • Áætlað veltufé frá rekstri A- og B-hluta 1,7 milljarðar króna eða 5,5% af heildartekjum.
  • Heildarálagning fasteignagjalda lækkar með lægri fasteignasköttum og vatns- og fráveitugjöldum til að koma til móts við hækkun fasteignamats.
  • Áætlaðar fjárfestingar nema samtals 4,3 milljörðum króna. 

Innlendar Fréttir