4 C
Grindavik
8. maí, 2021

12 stiga frost í dag

Skyldulesning

Hæg breytileg átt í dag en norðvestanstrekkingur austast á landinu fram eftir degi. Yfirleitt þurrt og bjart veður á sunnan- og vestanverðu landinu og eftir hádegi rofar einnig til norðaustanlands. Síðdegis eru þó líkur á stöku éljum á Suðausturlandi og við vesturströndina.

Frost 2 til 12 stig, kaldast í innsveitum á Norðausturlandi, en hitinn skríður yfir frostmark syðst á landinu yfir hádaginn að því er segir í hugleiðingum veðurfræðings á Veðurstofu Íslands.

„Hægt vaxandi austlæg átt á morgun, 10-15 m/s annað kvöld, en þá verður norðaustanhvassviðri norðvestan til á landinu. Það verður snjókoma víða um land á morgun og frost á bilinu 1 til 7 stig, en við suðvesturströndina verður hitinn nálægt frostmarki og úrkoman gæti fallið sem slydda.“

Veðurhorfur í dag og næstu daga

Hæg breytileg átt og rofar til með morgninum en norðvestan 8-15 m/s austast á landinu fram eftir degi. Víða þurrt og bjart veður eftir hádegi, en stöku él við S- og V-ströndina. Frost 2 til 12 stig, kaldast í innsveitum NA-lands, en frostlaust syðst yfir daginn.

Hægt vaxandi austlæg átt á morgun, 10-15 annað kvöld, en norðaustan 15-20 NV-til. Snjókoma víða um land og frost 1 til 7 stig, en slydda við SV-ströndina með hita nálægt frostmarki.

Á miðvikudag:

Suðaustlæg átt 5-13 m/s, en hvessir eftir hádegi, norðaustan 13-20 um kvöldið. Snjókoma víða um land og frost 1 til 7 stig en slydda við SV-ströndina með hita nálægt frostmarki.

Á fimmtudag:

Norðan og norðaustan 10-18, en dregur úr vindi V-lands síðdegis. Él á N- og A-landi, en bjartviðri sunnan heiða. Frost víða 3 til 8 stig en kólnar um kvöldið.

Á föstudag:

Norðvestan 10-18, en mun hægari vindur um landið V-vert. Víða léttskýjað en stöku él við S- og A-ströndina. Hiti breytist lítið.

Á laugardag:

Vestlæg átt og dálítil snjókoma eða rigning V-til með hita um eða yfir frostmarki. Bjartviðri um landið A-vert og áfram kalt í veðri.

Á sunnudag:

Suðlæg eða breytileg átt og dálítil rigning eða snjókoma, en þurrt á NA- og A-landi. Heldur hlýnandi.

Á mánudag:

Útlit fyrir norðaustlæga átt með lítils háttar snjókomu N- og A-lands. Hiti kringum frostmark.

spot_img
spot_img
spot_img

Innlendar Fréttir