7.3 C
Grindavik
24. september, 2021

20 smit innanlands – 9 í sóttkví

Skyldulesning

Mynd úr safni. Covid-19 herjar á heimsbyggðina og alls staðar …

Mynd úr safni. Covid-19 herjar á heimsbyggðina og alls staðar hefur fólk veikst alvarlega.

AFP

Alls greindust 20 með kórónuveiruna innanlands í gær. Nú eru 176 í einangrun og hefur þeim fjölgað um 10 á milli daga. Aftur á móti hefur sjúklingum fækkað og eru nú 42 á sjúkrahúsi vegna Covid-19 og af þeim eru 2 á gjörgæslu. Af þeim sem greindust með Covid-19 í gær voru 9 í sóttkví eða 45%. Tekin voru 899 sýni innanlands í gær og 240 á landamærunum.

Alls eru 528 í sóttkví og 634 í skimunarsóttkví og hefur fólki í sóttkví innanlands fjölgað mjög hratt undanfarna tvo daga. Í fyrradag var 291 í sóttkví, í gær 446 en í dag eru þeir eins og áður sagði orðnir 528 talsins.

Við landamærin greindust tvö smit en tveir bíða mótefnamælingar. Af þeim fjórum sem biðu mótefnamælingar í gær reyndust tveir með virkt smit en tveir með mótefni. 

24 börn með Covid-19

2 börn yngri en eins árs eru í ein­angr­un, 7 börn á aldr­in­um 1-5 ára eru í ein­angr­un og 9 börn 6-12 ára. 6 börn á aldr­in­um 13-17 ára er með Covid-19 í dag. Í ald­urs­hópn­um 18-29 ára er 31 smit, á fer­tugs­aldri eru smit­in nú 40 tals­ins en í ald­urs­hópn­um 40-49 eru 18 smit. Á sex­tugs­aldri eru 36 með Covid og á sjö­tugs­aldri eru 19 smit. 5 eru með Covid á aldr­in­um 70-79 ára, 2 á níræðisaldri og 1 einstaklingur yfir nírætt eru með veiruna að því er fram kem­ur á covid.is.

Allir nema 57 í sóttkví á höfuðborgarsvæðinu

Á höfuðborg­ar­svæðinu eru 146 í ein­angr­un og 471 er í sótt­kví sem þýðir að af þeim 528 sem eru í sóttkví eru aðeins 57 í sóttkví annars staðar á landinu. Á Suður­nesj­um eru 4 smitaðir en 17 í sótt­kví. Á Suður­landi eru 2 smit en 10 í sótt­kví. Á Austurlandi er eitt smit og og 1 í sóttkví. Á Norður­landi eystra eru 17 smit og 19 í sótt­kví. Á Norðvesturlandi er ekkert smit og enginn í sóttkví. Á Vest­fjörðum er ekkert smit og 3 í sótt­kví og á Vest­ur­landi eru 4 smit og 7 í sótt­kví. Óstaðsett­ir í hús eru tveir með smit.   

spot_img
spot_img
spot_img

Innlendar Fréttir