2 C
Grindavik
14. maí, 2021

33 ára móðir opnar sig: „Ég hef verið kölluð feit, ljót, heimsk, ógeðsleg, athyglissjúk, slæm móðir“

Skyldulesning

Becky Holt, 33 ára gömul móðir frá Chesire á Bretlandi, hefur verið kölluð mest húðflúraða kona Bretlands. Hún hefur nú opnað sig um áreiti og hatursfullar athugasemdir sem hún fær frá ókunnugum netverjum en hún er meðal annars sögð vera slæm móðir.

Becky leyfði fylgjendum sínum á samfélagsmiðlinum Instagram, sem eru rúmlega 47 þúsund talsins, að spyrja sig spurninga og hún svaraði þeim svo. Ein af spurningunum sem hún var spurð að var hver væru verstu viðbrögðin sem hún hefur fengið vegna húðflúranna. „Einn sagði mér að húðflúrin mín væru eins og lestarslys. Hann sagði að dóttir mín yrði hrædd við mig, að ég væri búin að eyðileggja líkamann minn, að ég hafi verið falleg en nú sé ég ljót því ég er með húðflúr á andlitinu,“ sagði Becky í svarinu sínu á samfélagsmiðlinum en hún eignaðist dóttur sína í desember í fyrra.

Þetta var ekki það eina sem fólk hefur haft að segja um útlit hennar. Fyrr á þessu ári talaði Becky um áreitið sem hún hefur fengið frá netverjum. „Ég hef verið kölluð feit, ljót, heimsk, veik á geði, ógeðsleg, athyglissjúk, slæm móðir og hræðileg fyrirmynd,“ sagði Becky. „Mér hefur verið sagt að ég líti út eins og útbrennd klámstjarna, að ég líti út fyrir að vera 60 ára og að húðflúrin mín hafi verið tímayðsla. Mér hefur verið sagt að ég muni sjá eftir þessu og að dóttir mín muni skammast sín fyrir mig.“

Sem betur fer lætur Becky þessi ógeðfelldu ummæli ekki á sig fá en hún varar við að annað fólk sem er vinsælt á samfélagsmiðlum sé ekki endilega jafn sterkt og hún. „Ég er með mjög þykkan skráp og finn ekki fyrir þessum athugasemdum en það er fullt af fólki þarna úti sem finna meira fyrir svona athugasemdum. Ég trúi því ekki að fólk geti verið svona ógeðslega ljótt við fólk sem það hefur aldrei hitt. Ég vildi óska þess að fólk væri betra, sérstaklega á þessum erfiðu tímum. Með allt sem er í gangi í heiminum í augnablikinu ættum við að dreifa ást en ekki hatri.“

spot_img
spot_img
spot_img

Innlendar Fréttir