Aðeins fjórir greindust í gær með Covid-19 og voru þeir allir í sóttkví er þeir greindust. Tveir greindust í sýnatöku af handahófi eða sóttkví og hinir tveir vegna einkenna.
Þetta er í annað sinn á fáum dögum sem allir greindir eru í sóttkví og hafa ekki færri greinst með Covid-19 á einum degi síðan 18. nóvember.
Níu greindust á landamærunum í gær, og eru af þeim smitum staðfest virk smit. Einn var með mótefni og er beðið eftir mótefnamælingu í sex tilfellum.
186 manns eru nú í einangrun á Íslandi með virk Covid-19 smit, 38 á sjúkrahúsi og þar af tveir á gjörgæslu. 500 manns eru í sóttkví.
