517 með strandveiðileyfi

0
61

200 mílur | Morgunblaðið | 4.5.2023 | 7:59

Sóley ÞH varð fyrsti strandveiðibáturinn sem landar á vertíðinni á Húsavík. Báturinn kom til hafnar að morgni þriðjudags. mbl.is/Hafþór Hreiðarsson

Fiskistofu bárust alls 535 umsóknir um veiðileyfi á strandveiðitímabilinu. Alls höfðu verið gefin út 517 leyfi þegar veiðar hófust síðastliðinn þriðjudag. Umsóknir um strandveiðileyfi fyrir vertíðina 2023 voru að þessu sinni í afgreidd í gegnum stafrænt umsóknakerfi Ísland.is og er það í fyrsta sinn sem slíkt er gert.

„Með breyttri og einfaldari framkvæmd leggur Fiskistofa mikla áherslu á að gögn varðandi eignarhald skips og útgerðar séu fullnægjandi og hefur útgáfa einhverra leyfa tafist vegna gagnaöflunar. Heilt yfir hefur þó afgreiðsla umsókna gengið mjög vel og án teljandi vandkvæða.“

Fjallað er nánar um málið í Morgunblaðinu.