1.3 C
Grindavik
27. nóvember, 2021

853 létust af völdum COVID-19 á Ítalíu í gær – Mesti fjöldi síðan í mars

Skyldulesning

Ítölsk heilbrigðisyfirvöld skýrðu frá því í gær að 853 hefðu látist af völdum COVID-19 í landinu síðasta sólarhring. Ekki hafa fleiri látist af völdum sjúkdómsins á einum degi síðan 28. mars. Þetta var einnig umtalsverð fjölgun síðan daginn áður en þá létust 630. Í gær lágu 34.577 COVID-19 sjúklingar á sjúkrahúsum landsins.

Ítalía var eitt þeirra vestrænu landa sem varð verst úti í fyrstu bylgju faraldursins síðasta vetur og vor. Frá upphafi hafa 1,45 milljónir Ítala greinst með veiruna og 51.306 hafa látist af völdum COVID-19. Þetta er næst mesti fjöldi látinna í Evrópu, aðeins í Bretlandi hafa fleiri látist af völdum veirunnar.

Af þeim 34.577 sem liggja á sjúkrahúsum eru 3.816 á gjörgæsludeildum.

Þegar önnur bylgja faraldursins fór að sækja í sig veðrið í byrjun nóvember voru um 1.000 manns lagðir inn á sjúkrahús á hverjum sólarhring og á gjörgæsludeildum fjölgaði sjúklingum um 100 á sólarhring. Í Langbarðalandi í norðurhluta landsins er ástandið verst þessa dagana. Í gær greindust 4.886 smit þar. Næst verst er ástandið í Lazio í miðhluta landsins en Róm er meðal annars í héraðinu. Þar greindust 2.509 smit í gær.

spot_img
spot_img
spot_img

Innlendar Fréttir