-1 C
Grindavik
30. nóvember, 2020

Á köflum óvægin umræða

Skyldulesning

Páll Matthíasson forstjóri Landspítala.

Páll Matthíasson forstjóri Landspítala.

Ljósmynd/Þorkell Þorkelsson

Forstjóri Landspítalans segist vita að ýmsir starfsmenn telji opinbera umfjöllun undanfarið hafa verið óvægna, einkum starfsfólki Landakots. Hann segir að gagnrýninni sé yfirleitt beint að stjórnun og skipulagi og eðlilegt sé að forsvarsmenn spítalans svari fyrir það.

Páll Matthíasson segir að starfið á Landakoti færist nú aftur í fyrra horf en hann viti að margir, sérstaklega á Landakoti, eru sárir eftir opinbera umræðu síðustu vikna og finnst hún óvægin.

„Ég get vissulega tekið undir að hún hefur verið það á köflum, jafnvel ósanngjörn og stundum sett fram af þröngri sýn á afar flókið verkefni. En mér finnst þó ástæða til að árétta að oftast hefur gagnrýnin beinst að stjórnun og skipulagi heilbrigðisþjónustunnar og eðlilegt að forsvarsmenn spítalans svari fyrir þann þátt sem að spítalanum snýr, innan þess ramma sem starfseminni hefur verið skipaður. Gagnrýninni hefur sjaldnast verið beint gegn ykkar frábæra starfi og þeim góða árangri sem við höfum náð, heilt yfir. Munum það,“ segir Páll í föstudagspistli á vef spítalans.

Árangursrík viðbrögð sóttvarnaryfirlækna og landsmanna allra eru nú að skila þeim árangri að samfélagssmitum fækkar ört. Það er afar ánægjulegt og vonandi horfum við fram á betri tíma hvað þennan vágest varðar segir Páll Matthíasson, forstjóri Landspítalans í föstudagspistli sínum. Hann segir þriðju bylgju faraldursins talsvert öðruvísi en fyrri bylgjur og þekking starfsmanna spítalans hafi aukist. Ekki megi sofna á verðinum og viðhalda ítrustu sýkingavörnum áfram enda sýni reynslan að lítið má út af bregða til að illa fari. 

Páll segir að starfið á Landakoti færist nú aftur í fyrra horf en hann viti að margir, sérstaklega á Landakoti, eru sárir eftir opinbera umræðu síðustu vikna og finnst hún óvægin.

„Ég get vissulega tekið undir að hún hefur verið það á köflum, jafnvel ósanngjörn og stundum sett fram af þröngri sýn á afar flókið verkefni. En mér finnst þó ástæða til að árétta að oftast hefur gagnrýnin beinst að stjórnun og skipulagi heilbrigðisþjónustunnar og eðlilegt að forsvarsmenn spítalans svari fyrir þann þátt sem að spítalanum snýr, innan þess ramma sem starfseminni hefur verið skipaður. Gagnrýninni hefur sjaldnast verið beint gegn ykkar frábæra starfi og þeim góða árangri sem við höfum náð, heilt yfir. Munum það.“

„Í nýgerðum kjarasamningum hefur víða verið samið um breytingu á vinnutíma og er það mikilvægt framfaraskref eftir óbreytta lengd hefðbundinnar vinnuviku í 40 ár. Fyrir okkur á Landspítala gefur þessi breyting okkur tækifæri á að þróa vinnustaðinn í takti við nútíma kröfur og aðlaga vinnuna betur fjölskyldu- og einkalífi. Verkefnið er þó ekki einfalt og krefst þess að starfsfólk og stjórnendur taki sameiginlega ábyrgð á að láta breyttan vinnutíma ríma við kröfur þjónustunnar og hagkvæmni rekstrar.

Útfærsla Landspítala á verkefninu verður samkvæmt svokallaðri umsóknaleið en í því felst að skipulagseiningar geta sótt um að breyta vinnutímanum meira en lágmarkið gerir ráð fyrir, að undangengnu umbótasamtali. Í því samtali finna starfsfólk og stjórnendur leiðir til að hagræða vinnutímanum án þess að þjónusta skerðist eða kostnaður aukist.

Breyting á vinnutíma í vaktavinnu mun eiga sér lengri aðdraganda þar sem þar er um að ræða flóknari breytingu, meðal annars með talsverðri uppstokkun á því hvernig umbunað er fyrir störf vaktavinnufólks utan dagvinnutíma. Í vaktavinnunni getur stytting vinnuvikunnar orðið umtalsverð, að því gefnu að starfsfólk jafni vaktabyrðinni sín á milli. Sú breyting tekur gildi 1. maí á næsta ári, einnig að undangengnu samráðsferli á einingum, þar sem starfshlutföll verða endurskoðuð og mögulega skipulag vakta einnig,“ segir Páll Matthíasson.

Innlendar Fréttir