Á leið til Fáskrúðsfjarðar með 1.300 tonn af loðnu

Hoffell, skip Loðnuvinnslunnar, er nú statt skammt frá Grímsey á leið til hafnar á Fáskrúðsfirði með 1.300 tonn af loðnu í hrognavinnslu útgerðarinnar.

Fram kemur á vef Loðnuvinnslunnar að aflinn var fenginn vestur af Snæfellsnesi í gær og er gert ráð fyrir að Hoffell leggi við bryggju um klukkan sex í fyrramálið. Fram kemur að loðnan sé með „góðan þroska og hentar vel til hrognatöku“.