6 C
Grindavik
2. mars, 2021

Að kúpla sig frá vinnu og streitu um jólin

Skyldulesning

Þegar líður að jólum finnum við hvernig tilhlökkunin eykst eins og lítið fiðrildi í maganum. Vissulega þarf að gera klára margt fyrir jólin, bæði í vinnu og jólastússi. En síðan taka frídagarnir við og þá er um að gera að njóta.

Það besta sem við gerum fyrir okkur sjálf og fyrir vinnuveitendur er að ná góðri hvíld í fríum. Þannig mætum við endurnærð og ánægð aftur til vinnu eftir jól.

Hér eru nokkur atriði sem mælt er með að fólk hafi í huga til að afstressa sig alveg frá vinnu yfir jólin og njóta frísins sem framundan er.

1. Tölvupósturinn: „Out of office“

Þótt flestir séu í fríi yfir hátíðirnar og lítið um tölvupóstsendingar, er samt ágætt að stilla tölvupóstinn á „Out of office.“ Þú slakar á og tilfinningin um að þú „verðir“ að kíkja á tölvupóstinn verður ekki eins sterk. Ef einhver sendir þér tölvupóst tryggir Out of office tilkynningin það líka að ekki er hægt að búast við að þú svarir erindinu fyrr en þú mætir aftur til vinnu.

2. Verkaskiptingin heima fyrir

Ef þú vilt fá sem mest út úr fríinu skiptir líka máli að þú upplifir ekki jólahaldið sem streituvaldandi kvöð. Að elda, þrífa, pakka inn jólagjöfum og svo framvegis getur fyrir suma verið yfirþyrmandi. Því er um að gera að ræða það fyrirfram með hvaða hætti er hægt að skipta með sér verkum heima fyrir, eða jafnvel breyta einhverju, þannig að jólin verði það frí sem þú vilt njóta.

3. Engin vekjaraklukka

Ef það eru einhverjir sem ekki afstilla vekjaraklukku um jólin, þá er um að gera að benda á það hér: Ekki láta vekjaraklukkuna hringja.

4. Ekki byrja á því að kíkja á símann á morgnana

Eitt af því sem fær okkur til að slaka betur á í fríi er að byrja ekki á því að kíkja á símann, tölvupóstinn, samfélagsmiðla eða fréttir um leið og við vöknum.

Þetta getur verið stór áskorun fyrir marga og því er mælt með því að síminn sé ekki á náttborðinu yfir nóttina.

5. Hreyfing og útivist

Góð leið til að njóta augnabliksins er að fara aðeins út. Góður göngutúr eða einhvers konar útivist. Hressir og kætir.

6. Morgunmatur

Það kannast margir við það að vera á svo miklum hlaupum á morgnana að morgunmaturinn verður út undan. Að koma krökkum í skólann, gera sjálfan sig til fyrir vinnuna og mæta á réttum tíma er í forgangi. Njóttu þess að svo er ekki þegar þú ert í fríi og taktu þér tíma í að borða morgunmat, vitandi það að þú þarft ekkert að stressa þig á neinu.

7. Fjölskyldutími

Loks er það atriðið sem jólin í rauninni snúast um: Samveran með fjölskyldunni. Þótt takmarkanir séu á fjölda þeirra sem mega koma saman þessi jól, breytir það engu um mikilvægi þess að njóta stundanna með fjölskyldunni á meðan þú ert í fríi. Það er svo ótal margt sem hægt er að gera saman. Börn og fullorðnir.


Tengdar fréttir


Í könnun sem Gallup framkvæmdi fyrir Atvinnulífið á Vísi má sjá að 75 prósent þeirra sem starfa í fjarvinnu myndu kjósa að vinna heiman frá sér í tvo til þrjá daga í viku. Ýmsir spá því að fjarvinna í bland við vinnu á staðnum verði framtíðarfyrirkomulag sem mörg fyrirtæki munu taka upp í kjölfar Covid. En að hverju þurfa stjórnendur að huga að ef þetta verður þróunin?


Það getur verið erfið áskorun fyrir stjórnendur að hlusta nægilega vel. Enda eru stjórnendur oft málglaðari einstaklingar en starfsfólk almennt. Að hlusta vel er samt lykilatriði ef stjórnendur vilja fylgjast með líðan og tilfinningum starfsfólks.


Fjögur einkenni Covidþreytu sem þú mögulega upplifir að sé að hafa áhrif á þig í vinnunni og nokkur góð ráð.


Fagleg heilsa, félagsleg heilsa, líkamleg heilsa, andleg heilsa og fleira. Allt eru þetta flokkar sem skipta máli þegar hugað er að líðan starfsfólks á vinnustöðum.


Fundarmenning er mjög mismunandi á milli vinnustaða þar sem sumir vinnustaðir eru jafnvel fundarglaðari en aðrir. Tilgangur funda þarf alltaf að vera skýr.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir