4 C
Grindavik
6. maí, 2021

Af hverju heitir svæðið Geldingadalir?

Skyldulesning

Eldgosið í Geldingadölum.

Eldgosið í Geldingadölum.

mbl.is/Kristinn Magnússon

Líklegt þykir að örnefnið Geldingadalir, þar sem nú gýs, vísi til sauðfjár sem hefur verið gelt, frekar en endilega manna sem hafa verið geldir. Flest öll örnefni á Íslandi sem kennd eru við geldinga vísa til sauðkindarinnar. Þetta kemur fram í svari Hallmundar J. Ámundasonar, fyrrverandi verkefnisstjóra nafnafræðisviðs Árnastofnunar, á Vísindavefnum.

Spurt var: Eru til skýringar á uppruna örnefnisins „Geldingadalur“ á Reykjanesskaga? Nafnið á nýja gossvæðinu er sagt Geldingadalur stundum í fjölmiðlum. Örnefnasjá Landmælinga gefur hins vegar bara upp fleirtöluna, Geldingadalir. Á að nota það eða má nota bæði?

Geldingadalir eru víða

Geldingadali má finna víða á Íslandi, sér í lagi á Vestfjörðum, og þá bæði í eintölu- og fleirtölumynd. Einnig eru til fleiri örnefni sem kennd eru við geldinga; Geldingaá, Geldingaeyri og Geldingafell.

Þeir Geldingadalir sem hafa verið í fréttum nær stanslaust í á þriðju viku eru í raun röð smárra dælda og nú gýs í þeim hluta Geldingadala sem staðið hefur lengst en hefur verið mestur um sig, eins og segir í svari Hallmundar.

Í svari Hallmundar segir að líklegt megi þykja að sléttlend …

Í svari Hallmundar segir að líklegt megi þykja að sléttlend beitarlönd, á svæðinu í kringum Geldingadali, hafi nú þegar orðið hrauninu að bráð.

mbl.is/Eggert Jóhannesson

Orðið hrauni að bráð nú þegar

Í þeim dældum er nú gýs er talin hafa verið dálítil slétta og talsverð beit, eins og víða á öðrum stöðum á annars hrjóstrugum Reykjanesskaganum, og því er talið að geldingar hafi sótt þangað á beit.

Önnur beitarlönd á því svæði sem nú gýs eru t.a.m. Höskuldarvelli, Selsvellir og Lækjarvellir. Í svari Hallmundar segir að líklegt sé að þessar sjaldséðu sléttur hafi nú þegar orðið hrauni gossins að bráð.

spot_img
spot_img
spot_img

Innlendar Fréttir