Það vill svo skemmtilega til að kokkurinn okkar hann Jón B Hermannsson á afmæli í dag. Það er til siðs að afmælisbörnin fái að velja það sem er í matinn á afmælisdaginn sinn og tók Nonni á það ráð að elda kótilettur og lærissneiðar ofan í mannskapinn. Er óhætt að segja að menn hafi tekið hraustlega til matar síns. Nonni ber aldurinn vel, en hann er ekki gefinn upp. Eitthvað hafði það kvisast í hans eyru að bökuð yrði kaka í tilefni dagsins en hvorki sést tangur né tetur af henni…ennþá

Júllinn.is og áhöfn Júlíusar Geirmundssonar óskar Jóni til hamingju með daginn og vona að hann njóti dagsins eins og hægt er hér um borð…