7.3 C
Grindavik
24. október, 2021

Agnes Joy framlag Íslands til Óskarsverðlauna

Skyldulesning

Lífið

Kvikmyndin Agnes Joy naut gríðarlegra vinsælda og hreppti nokkur Edduverðlaun í ár.
Kvikmyndin Agnes Joy naut gríðarlegra vinsælda og hreppti nokkur Edduverðlaun í ár.

Kvikmyndin Agnes Joy verður framlag Íslands til Óskarsverðlaunanna 2021. Þetta kemur fram í tilkynningu frá Íslensku kvikmynda- og sjónvarpsakademíunni en myndin var valin af dómnefnd ÍSKA sem í sátu fulltrúar helstu fagfélaga í íslenskum kvikmyndaiðnaði auk fulltrúa kvikmyndahúsa, gagnrýnenda og Kvikmyndastöðvar Íslands.

Myndin var valin kvikmynd ársins á Edduverðlaununum í ár en það var Silja Hauksdóttir sem leikstýrði myndinni. Silja skrifaði jafnframt handrit myndarinnar ásamt Göggu Jónsdóttur og Jóhönnu Friðriku Sæmundsdóttur.

„Myndin hlaut einnig Edduverðlaun fyrir handrit. Þá hlaut Katla Margrét Þorgeirsdóttir Edduna fyrir leikkonu ársins í aðalhlutverki, Björn Hlynur Haraldsson fyrir leikara ársins í aukahlutverki, auk þess sem Gunnar Árnason hlaut Edduna fyrir hljóð ársins og þau Lína Thoroddsen og Kristján Loðmfjörð fyrir klippingu ársins. Agnes Joy var framleidd af Birgittu Björnsdóttur og Göggu Jónsdóttur fyrir Vintage Pictures. Handritið er byggt á hugmynd Mikaels Torfasonar, sem er meðframleiðandi myndarinnar ásamt Guðbjörgu Sigurðardóttur,“ segir ennfremur um myndina í tilkynningunni.

Óskarsverðlaunahátíðin fer fram í 93. sinn þann 25. apríl á næsta ári en tilnefningar til verðlaunanna verða kynntar 15.mars.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira


Tarot dagsins

Dragðu spil og sjáðu hvaða spádóm það geymir.

spot_img
spot_img
spot_img

Innlendar Fréttir