7 C
Grindavik
23. apríl, 2021

Ágúst segist sjaldan verið jafn vonsvikinn og dapur með ríkisstjórnina – „Af hverju er verið að svíkja þetta mál af öllum?“

Skyldulesning

Ágúst Ólafur Ágústsson, þingmaður Samylkingarinnar, segist ekki vera viss um það hvort hann hafi nokkurn tímann verið eins vonsvikinn og dapur með ríkisstjórnina. Ágúst útskýrir þetta í færslu sem hann birti á Facebook-síðu sinni í dag en orð hans birtust einnig á Miðjunni.

„Í dag er alþjóðadagur fatlaðs fólks og í morgun birtust ansi merkilegar heilsíðuauglýsingar í blöðum landsins frá Öryrkjabandalagi Íslands. Í þeim birtust ákall til ríkisstjórnar Katrínar Jakobsdóttur um að virða skýran vilja Alþingis um lögfestingu samningsins um réttindi fatlaðs fólks,“ segir Ágúst. „Eftir 10 daga átti ríkisstjórnin nefnilega vera búin að leggja fram frumvarp þess efnis. Það mun ekki gerast. Ekkert svona mál er á dagskrá ríkisstjórnarinnar. Þetta þingmál, sem ég lagði fram, samþykkti þingið fyrir 18 mánuðum!

Þá bendir Ágúst á að núna neyðist Öryrkjabandalagið til að birta sérstakar heilsíðuauglýsingar um að hér beri ríkisstjórninni að virða löggjafarviljann. „Við samþykktum öll saman, úr öllum flokkum, mál sem myndi stórbæta réttarstöðu fatlaðs fólks og ríkisstjórninni var falið hið skýra hlutverk að leggja fram frumvarpið innan ákveðins tímaramma. Af hverju er verið að svíkja þetta mál, af öllum?“ spyr Ágúst.

„Ég hef sjaldan, ef nokkurn tímann, verið eins vonsvikinn og dapur með þessa ríkisstjórn. Þurfa öryrkjar í alvörunni að kaupa heilsíðuauglýsingar til að ná eyrum þessarar ríkisstjórnar?“

spot_img
spot_img
spot_img

Innlendar Fréttir