8 C
Grindavik
23. apríl, 2021

Alexander óvænt með í HM-æfingahóp íslenska handboltalandsliðsins

Skyldulesning

Guðmundur Guðmundsson valdi í dag landsliðshópinn sinn sem mun taka þátt í undirbúninginum fyrir HM í handbolta sem fram fer í næsta mánuði.

Alexander Petersson er í íslenska landsliðshópnum fyrir heimsmeistaramótið í handbolta sem fer fram í Egyptalandi í janúar. Guðmundur Guðmundsson tilkynnti í dag hvaða 21 leikmenn skipa æfingahóp hans á fjarfundi með blaðamönnum í dag.

Guðmundur Guðmundsson valdi 35 manna úrtakshóp í nóvember og hefur nú valið þá leikmenn sem munu taka þátt í þessu verkefni liðsins. Hann veldur 21 leikmann en reiknar með að fara með tuttugu leikmenn á HM.

Guðmundur sagði á blaðamannafundi að það hafi verið gríðarlegt púsluspil að koma þessu liði saman og að kórónuveiran hafi haft áhrif á valið hans að einhverju leyti.

Alexander Petersson spilaði ekki sína síðustu landsleiki á Evrópumótinu í janúar eins og magir bjuggust við því þessi öflugi leikmaður gefur kost á sér fyrir HM í Egyptalandi.

Alexander Petersson er fertugur síðan í júlí og þetta verður hans þrettánda stórmót með íslenska landsliðinu en hið fyrsta var HM í Túnis 2005.

Alexander Petersson var mjög góður á síðasta EM, skoraði 23 mörk utan af velli í sjö leikjum og var einnig frábær í vörninni. Hann er að gera góða hluti með Rhein-Necker Löwen í þýsku deildinni.

Þrír leikmenn sem voru á EM í janúar síðastliðnum eru ekki með að þessu sinni en það eru þeir Guðjón Valur Sigurðsson, Haukur Þrastarson og Sveinn Jóhannsson. Guðjón Valur er hættur og Haukur er meiddur.

Inn í hópinn koma þeir Ágúst Elí Björgvinsson, Oddur Grétarsson, Magnús Óli Magnússon, Gísli Þorgeir Kristjánsson, Kristján Örn Kristjánsson, Ómar Ingi Magnússon og Elliði Snær Viðarsson. Þessi hópur er mun stærri en hópurinn á EM í janúar og spilar kórónuveiran þar mikið inn í.

Æfingahópur íslenska landsliðsins lítur þannig út:

  • Markverðir:
  • Ágúst Elí Björgvinsson KIF Kolding
  • Björgvin Páll Gústavsson Haukar
  • Viktor Gísli Hallgrímsson GOG Håndball
  • Vinstra horn:
  • Bjarki Már Elísson TBV Lemgo Lippe
  • Oddur Grétarsson HBW Balingen-Weilstetten
  • Vinstri skyttur:
  • Aron Pálmarsson FC Barcelona
  • Magnús Óli Magnússon Valur
  • Ólafur Andrés Guðmundsson IFK Kristianstad
  • Leikstjórendur:
  • Elvar Örn Jónsson Skjern Håndbold
  • Gísli Þorgeir Kristjánsson SC Magdeburg
  • Janus Daði Smárason Göppingen
  • Hægri skyttur:
  • Alexander Petersson Die Rhein-Necker Löwen
  • Kristján Örn Kristjánsson Pays d’Aix Universite Club
  • Ómar Ingi Magnússon SC Magdeburg
  • Viggó Kristjánsson TVB 1898 Stuttgart
  • Hægri hornamenn:
  • Arnór Þór Gunnarsson Die Bergischer Handball Club
  • Sigvaldi Björn Guðjónsson Vive Tauron Kielce
  • Línumenn:
  • Arnar Freyr Arnarsson MT Melsungen
  • Elliði Snær Viðarsson Gummersbach
  • Kári Kristján Kristjánsson ÍBV
  • Ýmir Örn Gíslason Die Rhein-Necker Löwen
spot_img
spot_img
spot_img

Innlendar Fréttir