5 C
Grindavik
12. maí, 2021

Allir formenn senda frá sér yfirlýsingu – Styðja tillöguna sem felld var á síðasta ársþingi

Skyldulesning

Öll félög í efstu deild karla á Íslandi hafa tekið sig saman um að styðja tillöguna sem felld var á ársþingi KSÍ í febrúar, er varðar að skipta deildinni upp í tvo hluta eftir tvær umferðir.

Með þessu yrðu leikir með 27 á lið í deildinni en liðunum tólf, yrði skipt í tvær deildir eftir 22 leiki.

Skagamenn sem töluðu sem dæmi gegn tillögunni á ársþinginu hafa nú skrifað undir yfirlýsingu um að styðja hana á næsta ársþingi Vilja félögin að breytingin taki gildi árið 2022.

Formenn allra félaga í efstu deild skrifa undir yfirlýsingu þess efnis.

Yfirlýsing:


Í ljósi umræðu í knattspyrnuhreyfingunni um stækkun Íslandsmóts efstu deildar karla í kjölfar Ársþings KSÍ vilja félög efstu deildar koma eftirfarandi á framfæri:

Á 75. Ársþingi KSÍ var lögð fram tillaga starfshóps um keppnisfyrirkomulag efstu deildar karla. Fól það fyrirkomulag í sér 12 liða deild þar sem leikið er heima og að heiman líkt og nú er ásamt úrslitakeppni. Í úrslitakeppninni myndi efri hluti deildarinnar leika hvert við annað og sama fyrirkomulag í neðri hluta deildarinnar. Með þessu móti skapast mikil keppni allt frá neðri hluta deildarinnar upp í titil- og evrópubaráttu. Öll lið munu kappkosta að vera í efrihluta deildarinnar áður en úrslitakeppni hefst.

Úrslitakeppni mótsins er form með hæfilegri fjölgun leikja sem gefur ýmis markaðsleg tækifæri m.a. í sölu sjónvarps-og markaðsréttinda. Markmiðið með fyrirhuguðum breytingum eru til þess fallið að ná viðspyrnu á stöðu deidarinnar í alþjóðlegum samanburði þegar horft er til styrkleikalista UEFA og að auka gæði og samkeppnishæfni íslenskrar knattspyrnu og leikmanna sem leika á Íslandi.

Forráðamenn félaga í efstu deild karla hafa fundað um þetta málefni og niðurstaðan er algjör samstaða um að láta breytt fyrirkomulag verða að veruleika a.m.k. tímabundið. Með undirritun þessarar yfirlýsingar lýsa formenn stjórna viðkomandi félaga efstu deildar yfir stuðningi við áðurnefnda tillögu og heita því að styðja nauðsynlega breytingu á lögum KSÍ á næsta ársþingi KSÍ 2022 með það fyrir augum að keppnisfyrirkomulagið taki gildi sama ár.

spot_img
spot_img
spot_img

Innlendar Fréttir