7 C
Grindavik
22. apríl, 2021

Allt að 35 m/sek í hviðum

Skyldulesning

Úr austanáttum í norðaustanáttir í dag og næstu daga, 10-18 m/s, en hvassviðri eða stormur í Mýrdalnum og Öræfum, allt að 25 m/s og 35 m/s og yfir í hviðum, samkvæmt hugleiðingum veðurfræðings á Veðurstofu Íslands. Gul viðvörun er í gildi á Suðausturlandi.

„Hvessir dálítið á morgun og áfram hvassviðri og stormur suðaustanlands en einnig norðvestan til, innarlega í Breiðafirði og á sunnanverðum Vestfjörðum. Áfram er rigning austan til á landinu, orðin dálítið þrálát og lítur út fyrri að svo verði eitthvað áfram. Hiti 1 til 9 stig,“ segir ennfremur á vef Veðurstofu Íslands.

Þegar líður á vikuna kólnar dálítið aftur og fer að slydda eða snjóa fyrir norðan en áfram þurrt að kalla sunnan heiða. Í lok vikunnar er svo útlit fyrir norðanátt með snjókomu og éljum um allt norðanvert landið og hita undir frostmarki í felst öllum landshlutum.

Veðurhorfur í dag og næstu daga

Norðaustan 10-18, en 18-25 m/s suðaustan til. Rigning á Suðausturlandi og Austfjörðum en dálítil væta af og til í öðrum landshlutum. Norðaustan 13-18 á morgun og áfram hvassara við suðausturströndina en einnig norðvestan til.

Hiti 1 til 9 stig, hlýjast sunnan heiða.

Á þriðjudag:

Norðaustan 13-18 m/s, en 18-23 við suðausturströndina og staðbundið norðvestanlands. Rigning á austanverðu landinu og slydda með norðurströndinni en annars þurrt að kalla. Hiti 1 til 7 stig, mildast syðst.

Á miðvikudag og fimmtudag:

Norðaustanstrekkingur og dálítil snjókoma eða slydda norðanlands, rigning austast og þurrt sunnan heiða. Hiti 0 til 6 stig, svalast í innsveitum nyrðra.

Á föstudag:

Áframhaldandi norðaustanátt og rigning eða slydda með köflum, en þurrt að kalla á Suður- og Vesturlandi. Heldur kólnandi veður.

Á laugardag:

Norðan- og norðaustanáttir með slyddu eða snjókomu en þurrt sunnan heiða. Hiti kringum frostmark.

Á sunnudag:

Útlit fyrir norðanátt með snjókomu og éljum um norðanvert landið, en áfram þurrt sunnan til. Frost um mest allt land.

spot_img
spot_img
spot_img

Innlendar Fréttir