2 C
Grindavik
28. nóvember, 2020

Annar á­rekstur í Ár­túns­brekkunni

Skyldulesning

Innlent

Frá vettvangi slyssins.
Frá vettvangi slyssins.
Vísir/Sunna Karen

Tveir bílar rákust saman í Ártúnsbrekkunni, á akreinum þar sem ekið er í vesturátt, um klukkan 13:30 í dag. Búið er að loka veginum frá Höfðabakkabrúnni og niður.

Þetta segir talsmaður slökkviliðs höfuðborgarsvæðisins í samtali við Vísi. Annar árekstur varð í Ártúnsbrekkunni skömmu eftir hádegi, en þá á þeim hluta þar sem ekið er í austurátt.

Samkvæmt upplýsingum frá slökkviliði virðist áreksturinn nú hafa verið mun harðari en sá fyrri þar sem ekki þurfti að flytja neinn á sjúkrahús. Hefur nú þurft að beita klippum samkvæmt fréttamanni fréttastofu sem er á staðnum.

Ekki liggur fyrir um fjölda slasaðra að svo stöddu.

Í tilkynningu frá lögreglu segir að einnig sé lokað fyrir umferð frá Vesturlandsvegi um Höfðabakka inn í Grafarvog. „Vegna mikillar umferðar á Höfðabakkabrú. Þeir sem ætla að fara í Grafarvog þurfa að halda áfram að Grafarholti,“ segir í tilkynningunni.

Uppfært klukkan 14:52: 

Opnað hefur verið fyrir umferð um Ártúnsbrekku í vestur, sem og umferð inn í Grafarvog frá Höfðabakka, að því er fram kemur í tilkynningu frá lögreglu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir