2.3 C
Grindavik
29. janúar, 2023

Arnar Þór nokkuð brattur eftir leik – ,,Mjög margt sem ég er ánægður með undanfarna daga“

Skyldulesning

Arnar Þór Viðarsson, landsliðsþjálfari karlalandsliðsins, ræddi við blaðamenn á fréttamannafundi eftir 5-0 tap Íslands gegn Spánverjum í vináttulandsleik í kvöld.

Íslenska liðið átti erfitt uppdráttar í leiknum og gerir Arnar sér grein fyrir því. ,,Þetta var erfitt í alla staði. Við vitum að Spánverjar senda milli 600 og þúsund sendingar í leik og þeir gerðu það í dag. Þeir eru það góðir að þeir ná að nýta sér minnstu svæði og snúa á okkur. Við fundum ekki lausnina, sérstaklega hægra megin.“

Ísland gerði 1-1 jafntefli við Finna á laugardag og er Arnar sáttur með landsleikjagluggann í heild sinni. ,,Við mættum ofjörlum okkar í dag en það er mjög margt sem ég er ánægður með undanfarna tíu daga, sérstaklega undirbúningurinn og leikurinn á móti Finnunum. Við erum að undirbúa júní-verkefnið í B-deild Þjóðadeildarinnar og við vitum að við erum ekki að spila við lið þar sem eru með þessi gæði eins og Spánverjarnir.“

,,Við látum þetta ekkert brjóta okkur niður. Við tökum bara það jákvæða í þessum tíu dögum með okkur og reynum að bæta okkur þannig að eftir nokkur ár eigum við meiri séns á að loka á og spila á móti liðum eins og Spánverjum.“

Margir hafa sett spurningamerki við það af hverju Arnar Þór samþykkti æfingaleik gegn Spánverjum á þessum tímapunkti. Hann var spurður út í það. ,,Við ákváðum að taka þennan leik af því að það voru tveir mismunandi leikir. Ég vildi frekar fá leik á móti sterku liði en á móti mjög slöku liði. Ég held að við getum lært meira á að spila á móti mjög sterkum andstæðingi.“

,,Það er erfit fyrir unga leikmenn að tapa stórt. Þetta eru hlutir sem við þurfum að læra. Það eru ákveðnir hlutir sem ég tek á mig, ég fann ekki lausnina við ákveðnum hlutum.“

spot_img
spot_img
spot_img

Innlendar Fréttir