7.4 C
Grindavik
23. júní, 2021

Arnarlax kaupir eldisstöðvar á Suðurlandi

Skyldulesning

Björn Hembre, forstjóri Arnarlax, segir kaupin styðja áform fyrirtækisins um frekari vöxt.

mbl.is/Hari

Fiskeldisfyrirtækið Arnarlax ehf. hefur undirritað samninga um kaup á tveimur eldisstöðvum á Suðurlandi, á Hallkelshólum og í Þorlákshöfn. Þetta kemur fram í tilkynningu norska móðurfélagsins Icelandic Salmon AS til norsku kauphallarinnar.

Hvorki kemur fram hvert kaupverðið er né seljandi, þó er vitað að Fjallableikja ehf. er eina fyrirtækið sem rekið hefur eldi að Hallkelshólum í Grímsnesi.

Gert er ráð fyrir að stöðvarnar framleiði allt að 800 þúsund seiði árið 2022 og að framleiðslan nái 1,5 milljónum seiða árið 2023.

„Í kjölfar væntanlegra breytinga á rekstrarleyfum yfir í laxaseiði er áætlað að heildarframleiðslan verði 7.000 tonn miðað við framleiðslugetu stöðvanna sem keyptar voru. Reiknað er með að meðalþyngd seiðanna árið 2023 verði 250 grömm, sem gerir Icelandic Salmon kleift að bæta nýtingu [hámarkslífmassa] núverandi rekstrarleyfa og undirbúa frekari aukningu [hámarkslífmassa],“ segir í tilkynningunni.

Björn Hembre, forstjóri Arnarlax, kveðst í tilkynningunni ánægður með áfangann og segir kaupin skapa samþætta virðiskeðju. „Þessi tvenn kaup veita okkur aukna framleiðslugetu seiða sem og getu til að framleiða stærri seiði. Þetta mun styrkja enn frekar grundvöll metnaðarfullra áforma Icelandic Salmon um sjálfbær vaxtarmarkmið til framtíðar.“

spot_img
spot_img
spot_img

Innlendar Fréttir