8 C
Grindavik
15. apríl, 2021

Árni afhenti Pútín trúnaðarbréf

Skyldulesning

Árni Þór Sigurðsson sendiherra við afhendingu trúnaðarbréfs í Kremlarhöll.

Árni Þór Sigurðsson sendiherra við afhendingu trúnaðarbréfs í Kremlarhöll.

Ljósmynd/Utanríkisráðuneytið

Árni Þór Sigurðsson sendiherra afhenti í gær forseta Rússlands, Vladimír Pútín, trúnaðarbréf sitt sem sendiherra Íslands gagnvart Rússlandi.

Athöfnin fór fram í Kremlarhöll í Moskvu og afhentu samtals sendiherrar 19 ríkja trúnaðarbréf sín. Af því tilefni flutti forseti Rússlands ávarp og fjallaði stuttlega um samskipti Rússlands og hvers ríkis fyrir sig.

Í umfjöllun sinni um samskipti Íslands og Rússlands sagðist Vladimír Pútín vilja styrkja enn frekar tengslin við Ísland, bæði tvíhliða og í gegnum svæðisbundna samvinnu.

Nefndi hann sérstaklega að Ísland færi nú með formennsku í Norðurskautsráðinu og myndi afhenda Rússlandi formennskukeflið næsta vor. Þá gat hann um mikilvægt samstarf á sviði hátækni og þróunar á sviði sjávarútvegs og nýtingar sjávarafurða, hönnunar fiskiskipa og að á sviði jarðhita og landbúnaðar væru einnig tækifæri.

Innlendar Fréttir