1 C
Grindavik
17. janúar, 2021

Aron Þor­mar Ís­lands­meistari eftir jafn­tefli í upp­gjöri topp­liðanna

Skyldulesning

Rafíþróttir

Aron Þormar með titilinn ásamt þeim Arelíus Sveini og Ómari Frey.
Aron Þormar með titilinn ásamt þeim Arelíus Sveini og Ómari Frey.
Stöð 2 Sport

Aron Þormar Lárusson [Fylki] tryggði sér í gær Íslandsmeistaratitilinn í eFótbolta. Honum dugði jafntefli gegn Alexander Aroni Hannessyni [Keflavík] til að tryggja sér titilinn. 

Lauk leik þeirra 1-1 og Aron Þormar Íslandsmeistari 2020.

Leikir gærdagsins voru að sjálfsögðu sýndir beint á Stöð 2 E-Sport. Arelíus Sveinn Arelíusarson var þáttastjórnandi og Ómar Freyr Sævarsson lýsti leikjunum. Fyrir leiki gærdagsins var ljóst að Aron Þormar þyrfti aðeins jafntefli gegn Alexander Aron þar sem sá síðarnefndi var eini leikmaður deildarinnar sem gat náð Aroni.

Úrvalsdeildin í eFótbolta er þannig sett upp að átta bestu FIFA-spilarar landsins spila innbyrðis í deildarkeppni. Sigurvegari deildarinnar er Íslandsmeistari. Leikmenn notast við Ultimate Team-liðin sín og skipt var úr FIFA 20 í FIFA 21 þegar nýi leikurinn kom út.

Vísir ræddi við Aron Þormar í gær og viðurkenndi hann mikla spennu og smá stress fyrir leikjum kvöldsins. Það kom þó ekki að sök og var hann sá yfirvegaðasti í hreinum úrslitaleik gegn Alexander Aroni. Eftir markalausan fyrri hálfleik komst Aron Þormar yfir snemma í síðari hálfleik með marki frá Neymar. Alexander tókst að jafna metin en allt kom fyrir ekki, lokatölur 1-1 og Aron Þormar Íslandsmeistari 2020.

Hér má sjá útsendingu gærdagsins í heild sinni.

Aron er svo sannarlega verðugur sigurvegari en hann tapaði ekki leik á tímabilinu. Hann endaði með 11 sigra og tvö jafntefli. Það sem meira er þá vann hann tvo leiki er hann var í einangrun heima fyrir með kórónuveiruna.

Íslandsmeistari í e fotbolta 2020

Posted by Aron Þormar Lárusson on Wednesday, December 2, 2020

„Vörn vinnur titla,“ er hugtak sem a´vel við en Aron Þormar var með bestu vörn úrvalsdeildarinnar. Fékk hann aðeins á sig 17 mörk í leikjunum þrettán. 

Næsti maður þar á eftir var Alexander Aron með 24 mörk á sig. Þá skoraði Aron Þormar 3. flestu mörk deildarinnar eða 49 talsins. Alexander Aron skoraði 50 en Bjarki Már Sigurðsson [Víking] var markahæstur með 54 mörk.


Tengdar fréttir


Klukkan 19.15 í kvöld sýnir Stöð 2 E-Sport beint frá úrvalsdeildinni í eFótbolta. Allar líkur eru á því að Aron Þormar Lárusson í Fylki landi titlinum en hann er hársbreidd frá því. Vísir tók stöðuna á Aroni í gærkvöld.


Alexaner Aron Hannesson er í toppbaráttunni í úrvalsdeildinni í eFótbolta þar sem keppt er í tölvuleiknum FIFA. Hann hefur þó töluvert lengur haft áhuga á fótbolta sem er spilaður á grasi og taldi sig í raun ekki nægilega góðan til að taka þátt í úrvalsdeildinni.




Fleiri fréttir

Sjá meira

Innlendar Fréttir