-2 C
Grindavik
25. janúar, 2021

Áslaug Arna skipað 17 dómara, lögreglustjóra og sýslumenn á rétt rúmu ári

Skyldulesning

Frá því Áslaug Arna Sigurbjörnsdóttir tók við embætti dómsmálaráðherra í september í fyrra hefur hún skipað 17 einstaklinga í embætti dómara, sýslumann eða lögreglustjóra. Þar á meðal má nefna þrjá dómara við Hæstarétt, en þeir eru samtals 7 talsins og skipaðir ævilangt, og talsverðan fjölda lögreglustjóra, enda hafa orðið miklar sviptingar þar á undanförnum misserum. Nægir þar að nefna brotthvarf Ólafs Helga Kjartanssonar úr stöðu lögreglustjóra á Suðurnesjum og Haralds Johannessen úr stöðu ríkislögreglustjóra.

Margar skipanirnar eru í raun tilfærslur embættismanna á milli embætta. Þannig var Ingveldur áður dómari við Landsrétt áður en hún tók til starfa við Hæstarétt. Eins má nefna að Sigríður Björk ríkislögreglustjóri var áður lögreglustjóri á höfuðborgarsvæðinu. Við keflinu í borginni tók Halla Bergþóra sem var áður á Akureyri. Við Höllu tók Páley sem var í Vestmannaeyjum og þangað fluttist Grímur sem var áður staðgengill lögreglustjórans á Suðurlandi. Enn fremur var Úlfar sem fluttist til Suðurnesja í stað Ólafs Helga áður á Vesturlandi.

Af þeim 17 sem Áslaug hefur skipað eru aðeins sex karlar. Skipanirnar eru sem hér segir:

Hæstiréttur

Ingveldur Einarsdóttir, frá 1. janúar 2020


Ása Ólafsdóttir, frá 23. nóvember 2020


Björg Thorarensen, frá 23. nóvember 2020

Landsréttur

Ásmundur Helgason, frá 17. apríl 2020


Arnfríður Einarsdóttir, frá 1. júlí 2020


Ragnheiður Bragadóttir, frá 18. september 2020


Jón Höskuldsson, frá 25. september 2020.

Héraðsdómur

Jónas Jóhannsson í Héraðsdóm Reykjaness frá 13. nóvember 2019


Halldóra Þorsteinsdóttir í Héraðsdóm Reykjaness frá 1. ágúst 2020


Ingi Tryggvason í Héraðsdóm Reykjaness frá 31. ágúst 2020

Lögreglustjórar og sýslumenn

Sigríður Björk Guðjónsdóttir ríkislögreglustjóri frá 16. mars 2020


Arndís Soffía Sigurðardóttir sýslumaður í Vestmannaeyjum frá 1. apríl 2020


Margrét María Sigurðardóttir lögreglustjóri á Austurlandi frá 1. apríl 2020


Halla Bergþóra Björnsdóttir lögreglustjóri á höfuðborgarsvæðinu frá 11. maí 2020


Páley Borgþórsdóttir lögreglustjóri á Norðurlandi eystra frá 13. júlí 2020


Úlfar Lúðvíksson lögreglustjóri á Suðurnesjum frá 16. nóvember 2020


Grímur Hergeirsson lögreglustjóri í Vestmannaeyjum frá 16. nóvember 2020

Innlendar Fréttir