7.3 C
Grindavik
24. október, 2021

Ástríðukokkarnir fá sviðið á Vísi

Skyldulesning

Nokkrir af fremstu ástríðukokkum Íslands deila litlum sem stórum ráðleggingum varðandi matargerð fyrir jólin í nýjum þáttum á Vísi og Stöð 2 Maraþon en þættirnir bera heitir Lífið er ljúffengt.

Allt frá almennum jólamat, hangikjöti, uppstúf, hamborgarhrygg, gljáa og fleira yfir í nýjar hugmyndir, líkt og vegan lausnir, ketó jól, hnetusteik og annað. Áherslan í þáttunum verður sett á stóru smáatriðin sem fullkomna réttinn. Sex einstaklingar elda tvo rétti hver.

Hér að neðan má sjá brot úr þáttunum.

Hér að neðan má sjá kynningu á þeim sex aðilum sem koma við sögu í þáttunum.

Hanna Þóra – „Ég er 28 ára tveggja barna móðir og bý í Hafnarfirðinum. Ég er snyrtifærðingur að mennt og útskrifaðist 2010 ásamt því að vera á lokaári í viðskipta og markaðsfræði við Háskólann á Akureyri. Áhugamál mín eru skreytingar, kökubakstur, fjölskyldulífið, söngur, ferðalög og tungumál.“

Hanna er tveggja barna móðir í Hafnarfirðinum. 

Berglind Hreiðars – „Ég hef brasað í eldhúsinu, bakað og skreytt kökur síðan ég man eftir mér. Þegar góður matur, gotterí, kökur og skreytingar eru annars vegar eru möguleikarnir óendanlegir og ég sífellt að fá nýjar og nýjar hugmyndir og gaman að geta deilt þeim með öðrum.“

Berglind hefur verið í eldhúsinu síðan hún man eftir sér. 

Albert Eiríksson – „Það er nú bara þannig að líf mitt snýst meira og minna um mat, ef ég er ekki að elda mat eða borða mat þá er ég að hugsa um mat nú eða þá halda veislur. Frá því ég man fyrst eftir mér hef ég stússast í mat. Að loknu námi í Hótel og veitingaskóla Íslands starfaði ég sem matreiðslumaður í nokkur ár.“

Albert starfaði sem matreiðslumaður í nokkur ár. 

Anna Björk – „Hvernig væri að láta gamlan draum rætast, og fara að sinna gamalli ástríðu sem hefur alltaf verið með mér á fullorðinsárunum, mat og öllu sem honum viðkemur, auðvitað…“

Gamall draumur að rætast hjá Önnu.

Veganistur, Júlía – „Við erum systurnar Helga María og Júlía Sif. Við rekum veganistur.is og erum höfundar matreiðslubókarinnar Úr eldhúsinu okkar. Við höfum mikla ástríðu fyrir matargerð og bakstri og viljum sýna öllum hvað það er einfalt og gott að elda og borða vegan mat. Hér á blogginu og í bókinni finnurðu því gómsætar uppskriftir af hversdagsmat, hátíðarmat, kökum og öðrum kræsingum.“

Júlía sér um veganmatinn. 

Andrés Bertelsen –  „Tilraunakokkur, súpur og sósur í sérstöku uppáhaldi. Sósur eiga að vera þannig að þú viljir drekka þær. Hef haft áhuga á mat síðan ég þurfti að fara sem kokkur á sjó. Markmið að elda betur en mamma.“

Andrés er sósusérfræðingur.

spot_img
spot_img
spot_img

Innlendar Fréttir