10.2 C
Grindavik
24. júní, 2021

Átta fermetra svalahurð „ætlaði inn í stofu“ í rokinu

Skyldulesning

Slökkviliðið á höfuðborgar svæðinu sinnti 117 sjúkraflutningum síðasta sólarhringinn. Þar af voru 28 forgangsflutningar og sex svokallaðir covid-flutningar. Þá sinnti slökkviliðið fremur óhefðbundnu verkefni í óveðrinu fyrr í vikunni vegna átta fermetra stórrar svalahurðar sem var til vandræða.

„Í óveðrinu um daginn þurftum við að aðstoða húsráðanda sem var í vandræðum með ca 8m2 svalahurð sem ætlaði að fara inn í stofu í rokinu, enda má segja að húsið hafi verið með vindinn í fangið,“ segir í færslu slökkviliðsins á Facebook í dag.

Starfsmenn slökkviliðsins hafi ekki verið lengi að redda málunum líkt og sjá má á mynd sem fylgdi færslunni.

spot_img
spot_img
spot_img

Innlendar Fréttir