2 C
Grindavik
15. maí, 2021

Auba­mey­ang á vara­manna­bekk Arsenal vegna aga­brots

Skyldulesning

Enski boltinn

Aubameyang er á varamannabekk Arsenal í dag.
Aubameyang er á varamannabekk Arsenal í dag.
Catherine Ivill/Getty Images

Pierre-Emerick Aubameyang, fyrirliði Arsenal, er ekki í byrjunarliði liðsins gegn Tottenham Hotspur í ensku úrvalsdeildinni í dag. Hann ku vera í agabanni.

Arsenal mætir Tottenham Hotspur í slagnum um Norður-Lundúnir í dag. Um er að einn af stærstu nágrannaslögum enskrar knattspyrnu og þó víðar væri leitað. Það kom því verulega á óvart er byrjunarlið dagsins voru birt að Pierre-Emerick Aubameyang – fyrirliði Arsenal – væri ekki meðal þeirra 11 leikmanna sem byrja leikinn.

Í viðtali fyrir leik staðfesti Mikel Arteta, þjálfari Arsenal, að hann hefði átt að byrja leikinn en upp hefði komið agamál, lína hafi verið dregin og þeir haldi áfram.

„Þetta er ákvörðun sem var tekin eftir að allt er málið varðar og hvað hann gerði var tekið til skoðunar. Flóknara er það ekki,“ sagði Arteta aðspurður hvort hann hefði íhugað að hafa Aubameyang utan hóps.

Nýverið komst Aubameyang í fréttirnar fyrir að fá sér nýtt húðflúr þegar allar stofur sem sjá um slíkt voru lokaðar í Lundúnum vegna Covid-19. Ekki er vitað hvort þetta tengist því máli.

Leikur Arsenal og Tottenham hefst klukkan 16.30 og er í beinni textalýsingu á Vísi.

spot_img
spot_img
spot_img

Innlendar Fréttir