-1 C
Grindavik
21. janúar, 2021

Bakslag hjá Víði – „Dagarnir misjafnir“

Skyldulesning

Rögnvaldur Ólafsson aðstoðaryfirlögregluþjónn var spurður út í líðan Víðir Reynisson yfirlögregluþjóns almannavarnardeildar sem greindist með Covid-19 í byrjun síðustu viku. Rögnvaldur segir að dagarnir séu misjafnir hjá Víði eins og mörgum öðrum en bakslag hafi komið í Covid-19 veikindi hans. Rögnvaldur sendir honum kveðju og óskar honum góðs bata.

„Bara eins og hjá mörgum sem eru að fara í gegnum þetta eru dagarnir misjafnir og sveiflur, og það hefur komið smá bakslag hjá honum en þetta er allt á réttri leið, vonandi,“ sagði Rögnvaldur.

Víðir er 53 ára og hraustur að upplagi, var meðlimur Hjálparsveitar Skáta sem ungur maður og hefur mikinn áhuga á knattspyrnu og stundaði hana um tíma.

Almennt virðist vera að sögn Þórólfs Guðnasonar sóttvarnarlæknis að alvarleg veikindi koma ekki fram fyrir enn um viku eftir að viðkomandi sýkist og rýma veikindi Víðis við það. Á föstudag var Víðir virkilega slappur en var þó brattari á laugardaginn.

Innlendar Fréttir