2.3 C
Grindavik
27. janúar, 2023

Bandaríkin búa sig undir nýja og hættulega heimsskipun

Skyldulesning

Í síðustu viku kom Mark Milley, æðsti yfirmaður Bandaríkjahers, fyrir bandaríska þingnefnd. Þar sagði hann frá framtíðarsýn sinni, hvernig heimurinn muni líta út að stríðinu í Úkraínu loknu.

Í krafti embættis síns hefur Milley aðgang að gríðarlegu magni upplýsinga um óvini Bandaríkjanna og hvað þeir taka sér fyrir hendur um allan heim. Út frá þessum upplýsingum dró hann upp dökka mynd af stöðu heimsmála. Hann sagði að Bandaríkin og restin af heimsbyggðinni séu á leið inn í óstöðugustu og hættulegustu tímana síðan síðari heimsstyrjöldinni lauk. Hann sagði einnig að það sé sáralítið sem Bandaríkin geti gert eins og staðan er núna. Ómögulegt sé að spá fyrir um næstu skref Rússlands og Kína.

„Við stöndum nú frammi fyrir tveimur stórveldum, Kína og Rússlandi, sem búa yfir miklum hernaðarmætti, sem bæði hafa í hyggju að gjörbreyta þeim reglum sem núverandi heimsskipun byggist á. Við erum að fara inn í heim sem verður óstöðugri og líkurnar á umfangsmiklum alþjóðlegum deilum eru vaxandi, ekki minnkandi,“ sagði Milley.

Það var engin tilviljun að Milley nefndi Kína til sögunnar því Kína hefur verið þyrnir í augum Bandaríkjanna síðustu misserin. Það hefur komið berlega í ljós eftir innrás Rússa í Úkraínu.

New York Times sagði frá því í mars að Rússar hefðu beðið Kínverja um aðstoð vegna stríðsins í Úkraínu, bæði hernaðarlega og efnahagslega til að geta sniðgengið refsiaðgerðir Vesturlanda. Þetta voru upplýsingar sem hafði greinilega verið lekið frá bandarískum stjórnvöldum. Bæði Rússar og Kínverjar vísuðu þessum fregnum á bug en bandarískir ráðamenn tóku ekki mikið mark á því.

Um miðjan mars sagði Jake Sullivan, ráðgjafi Joe Biden, forseta, í öryggispólitískum málum, að það myndi verða Kínverjum dýrt ef þeir aðstoði Rússa við að sneiða hjá refsiaðgerðum Vesturlanda. Ummæli hans eru túlkuð sem sönnun þess hversu alvarlega bandarísk stjórnvöld taka þróun mála í Kína. Kínverjar hafa styrkt her sinn mikið og hafa meðal annars uppfært vopnabúr sitt með ofurhljóðfráum flugskeytum sem geta borið kjarnaodda. Þessar flaugar ná að minnsta kosti fimmföldum hljóðhraða. Rússar hafa einnig þróað slíkt vopn. Bandaríkin hafa því sett mikinn kraft í þróun slíkra flugskeyta og prófuðu einmitt eitt slíkt í mars.

spot_img
spot_img
spot_img

Innlendar Fréttir