3 C
Grindavik
8. maí, 2021

Bandarískir hermenn sendir til Mósambík

Skyldulesning

Bandaríkjastjórn hefur ákveðið að senda hermenn til Mósambík til að þjálfa her landsins til að hann geti barist við öfgasinnaða íslamista sem tengjast hryðjuverkasamtökunum Íslamska ríkið. Bandarískir sérsveitarmenn eru komnir til landsins og munu þjálfa innlenda hermenn næstu tvo mánuðina til að þeir geti „komið í veg fyrir útbreiðslu hryðjuverka og ofbeldisfullrar öfgahyggju“ segir í tilkynningu frá bandaríska sendiráðinu í Maputo, höfuðborg Mósambík.

Nýlega tilkynntu bandarísk stjórnvöld að Íslamska ríkið í Mósambík væru alþjóðleg hryðjuverkasamtök og gripu til refsiaðgerða gegn þeim og stofnanda þeirra, Abu Yasir Hassan.

Átök hafa farið harðnandi í Mósambík að undanförnu og ofbeldi hefur færst í vöxt. Um 670.000 manns hafa hrakist frá heimilum sínum vegna hrottalegra árása öfgasinna í Cabo Delgado héraðinu. Árásum og dauðsföllum fjölgaði mikið í héraðinu á síðasta ári miðað við árin á undan samkvæmt tölum frá ACLED samtökunum.

Íslamska ríkið hefur sótt í sig veðrið í Afríku að undanförnu og styrkt stöðu sína. Það er engin tilviljun að héraðið  Cabo Delgado hefur orðið sérstaklega fyrir barðinu á öfgasinnum því þar er Mocímboa da Praia, sem er ein mikilvægasta hafnarborg landsins, en öfgasinnaðir íslamistar náðu henni á sitt vald í ágúst á síðasta ári. Stórar gaslindir og rúbínnámur eru einnig í héraðinu.

spot_img
spot_img
spot_img

Innlendar Fréttir