4 C
Grindavik
5. mars, 2021

Banna flug frá Bret­landi vegna nýja af­brigðisins

Skyldulesning

Nokkur Evrópulönd hafa gripið til þeirra ráða að banna samgöngur frá Bretlandi og hefur flugum til að mynda verið aflýst. Er þetta gert vegna þess nýja afbrigðis kórónuveirunnar sem hefur fundist í Bretlandi og er talið vera sjötíu prósent meira smitandi en önnur afbrigði.

Belgía og Holland hafa aflýst flugum frá Bretlandi og þá er lestum frá Bretlandi bannað að koma til Belgíu. Samkvæmt breska ríkisútvarpinu íhuga Frakkland og Þýskaland að grípa til sambærilegra aðgerða sem og Ítalía.

Afbrigðið sem um ræðir er líkt og áður sagði talið vera mun meira smitandi en önnur afbrigði veirunnar og hefur það dreifst hratt um Lundúnaborg og suðausturhluta Bretlands. 

Hefur verið ákveðið að grípa til hertari aðgerða á þeim svæðum yfir hátíðirnar og tóku þær gildi á miðnætti.

Samkvæmt fyrstu greiningum á afbrigðinu bendir ekkert til þess að bóluefni virki ekki á afbrigðið.

Ekki verður tekið á móti flugvélum frá Bretlandi í Hollandi frá og með deginum í dag fram til 1. janúar næstkomandi. Ríkisstjórn landsins sagðist vilja lágmarka hættuna á því að nýr faraldur kæmist á skrið í landinu og stefndi að því að eiga náið samstarf með aðildarríkjum Evrópusambandsins næstu daga.

Sömu reglur taka gildi í Belgíu á miðnætti og eiga þær bæði við um flug og lestarferðir. Forsætisráðherrann Alexander De Croo sagði í samtali við belgíska fjölmiðla að bannið yrði í gildi í að minnsta kosti sólarhring.


Tengdar fréttir


Nýtt afbrigði Covid-19 sem hefur náð töluverðri dreifingu í Lundúnum og suðausturhluta Bretlands er talið vera allt að 70% meira smitandi en önnur afbrigði. Enn sem komið bendir ekkert til þess að það valdi alvarlegri sjúkdóm eða sé banvænna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.


Fleiri fréttir

Sjá meira

Innlendar Fréttir