4 C
Grindavik
18. apríl, 2021

Bayern Munchen gerði jafntefli við Union Berlin

Skyldulesning

Union Berlin og Bayern Munchen, gerðu 1-1 jafntefli í 11. umferð þýsku úrvalsdeildarinnar í kvöld. Leikið var á Stadion An der Alten Försterei, heimavelli Union Berlin.

Grischa Prömel, kom Union Berlin yfir með marki strax á 4. mínútu leiksins og liðið því komið í stöðuna 1-0.

Þannig stóðu leikar allt þar til á 68. mínútu þegar Robert Lewandowski jafnaði metin fyrir Bayern með marki eftir stoðsendingu frá Kingsley Coman.

Fleiri mörk voru ekki skoruð í leiknum. Jafnteflið þýðir að Bayern heldur toppsæti deildarinnar en er nú með sama stigafjölda og RB Leipzig.

Fyrr í dag vann RB Leipzig góðan 2-0 heimasigur gegn Werder Bremen. Mörk frá Marcel Sabitzer og Daniel Olmo tryggðu sigur Leipzig sem jafnaði þar með stigafjölda Bayern.

Liðið situr í 2. sæti deildarinar með 24 stig.

Union Berlin 1 – 1 Bayern Munchen 


1-0 Grischa Prömel (‘4)


1-1 Robert Lewandowski (’68)

RB Leipzig 2 – 0 Werder Bremen 


1-0 Marcel Sabitzer (’26)


2-0 Daniel Olmo (’41)

Innlendar Fréttir