-2 C
Grindavik
24. janúar, 2021

Bein út­sending: Beðið eftir við­brögðum ráð­herra við til­lögum sótt­varna­læknis

Skyldulesning

Tillögur Þórólfs Guðnasonar, sóttvarnalæknis, um næstu aðgerðir vegna kórónuveirufaraldursins eru nú ræddar á ríkisstjórnarfundi í ráðherrabústaðnum við Tjarnargötu.

Núverandi aðgerðir gilda til og með morgundeginum og þarf ný reglugerð Svandísar Svavarsdóttur, heilbrigðisráðherra, varðandi næstu aðgerðir því að taka gildi á fimmtudag.

Sóttvarnalæknir skilaði minnisblaði með tillögum sínum til ráðherra í gær. Ekkert hefur verið gefið upp um það hvað felst í tillögum Þórólfs en hann sagði á upplýsingafundi í gær að fara þyrfti mjög hægt í tilslakanir þótt að tölur um nýgreind smit síðustu daga hafi verið ánægjulegar.

Vísir verður í beinni útsendingu frá ráðherrabústaðnum og fær viðbrögð frá ráðherrum ríkisstjórnarinnar um leið og fundi þeirra lýkur við tillögum sóttvarnalæknis.

Fylgjast má með útsendingunni í spilaranum hér fyrir neðan. Í vaktinni þar fyrir neðan má svo lesa um allt það helsta gerist.

Innlendar Fréttir