4 C
Grindavik
25. febrúar, 2021

Bein útsending: Kvöldfréttir Stöðvar 2

Skyldulesning

Lögmaður í Landsréttarmálinu kallar eftir viðbrögðum frá ríkissaksóknara í kjölfar niðurstöðu Mannréttindadómstóls Evrópu, þess efnis að Landsréttur hafi verið ólöglega skipaður. Við ræðum við hann í kvöldfréttum Stöðvar 2.

Við heyrum líka í Sigríði Á. Andersen sem segir ríkisstjórnina hafa koðnað niður í málinu og misst fótanna þegar dómur Mannréttindastólsins gekk árið 2019 og ætlað að láta það snúast um hana sem persónu. Því hafi hún ekki viljað sitja undir og því sagt af sér sem dómsmálaráðherra.

Þá verður fjallað ítarlega um samningaviðræður Breta og ESB en sagnfræðingur segir að það verði áfall fyrir margra hluta sakir ef samningar nást ekki. Einnig hittum við fyrir liðlega tvítuga konu á Flateyri sem hefur stofnað matvælavinnslu sem fullvinnur vörur úr vestfirskum eldisfiski.

Þetta og fleira á samtengdum rásum Stöðvar 2 og Bylgjunnar klukkan hálf sjö.

Innlendar Fréttir