10.7 C
Grindavik
31. júlí, 2021

Beint: Framtíð íslensks sjávarútvegs og fiskeldis

Skyldulesning

Ráðstefna um tækifæri og áskoranir fyrir íslenskan sjávarútveg og fiskeldi fer fram í Hörpu.

mbl.is/Árni Sæberg

Kristján Þór Júlíusson, sjávarútvegs- og landbúnaðarráðherra, hefur boðað til ráðstefnu klukkan 13 um framtíð íslensks sjávarútvegs og fiskeldis. Á ráðstefnunni, sem fram fer í Kaldalóni í Hörpu, verður gerð grein fyrir nýlegri skýrslu um stöðu og horfur í íslenskum sjávarútvegi og fiskeldi og rætt um þau tækifæri og áskoranir sem blasa við.

Þar flytja Sveinn Agnarsson, prófessor við viðskiptafræðideild HÍ, Gréta María Grétarsdóttir, framkvæmdastjóri nýsköpunar, samfélagsábyrgðar og fjárfestatengsla hjá Brimi, og dr. Gunnar Haraldsson, hagfræðingur og ráðgjafi, erindi.

Í pallborðsumræðum verða Agnes Guðmundsdóttir, markaðs- og sölustjóri Icelandic Asia og formaður Félags kvenna í sjávarútvegi, Birna Einarsdóttir, bankastjóri Íslandsbanka, Bjarni Ármannsson, forstjóri Iceland Seafood, Guðbjörg Heiða Guðmundsdóttir, framkvæmdastjóri Marel á Íslandi, og Þorsteinn Sigurðsson, forstjóri Hafrannsóknastofnunar.

spot_img
spot_img
spot_img

Innlendar Fréttir