Belgar eyðilögðu sendingu af bandarískum bjór – Var merktur „Champagne of Beer“ – DV

0
69

Belgískir tollverðir eyðilögðu í síðustu viku 2.352 dósir af Mille High Life bjór sem hafði verið fluttur til landsins frá Bandaríkjunum. Ástæðan er að á dósunum stóð: „The Champagne of Beers“ (Kampavín bjórsins). Þetta var gert í kjölfar kvörtunar frá samtökum kampavínsframleiðenda sem sögðu að aðeins megi nota orðið „kampavín“ yfir flöskum með freyðandi víni sem er framleitt með hefðbundnum aðferðum í Champagne í Frakklandi. Töldu samtökin að merkingin bryti gegn hinu verndaða vöruheiti „Champagne“.

Aðeins er hægt að framleiða raunverulegt „Champagne“ með Chardonnay, Pinot Noir og Pinot Meunier vínberjum.

Miller High Life kom á markaðinn 1903. Á vefsíðu framleiðandans kemur fram að byrjaði hafi verið að nota slagorðið „The Champagne of Bottle Beer“ 1906 en það var stytt í „The Champagne of Beers“ 1969.

Bjórinn átti að fara til Þýskalands en belgískir tollverðir lögðu hald á hann á hafnarsvæðinu í Anterwerpen í febrúar.