5.3 C
Grindavik
24. september, 2021

Biden er talinn ætla að endurvekja kjarnorkusamninginn við Íran

Skyldulesning

Vænta má stefnubreytingar af hálfu Bandaríkjanna í garð Írans og Miðausturlanda í heild þegar Joe Biden tekur við forsetaembættinu þann 20. janúar næstkomandi. Reiknað er með að Biden muni endurvekja kjarnorkusamninginn við Íran en Donald Trump sagði Bandaríkin frá samningnum.

Ísrelsmenn eru á móti því að samningurinn verði endurvakinn og Trump og stjórn hans reyna nú að þoka málum í aðra átt áður en Biden tekur við völdum. En nú þegar má merkja að nýir vindar blása í Miðausturlöndum þótt Biden sé ekki enn tekinn við völdum.

Íranska utanríkisráðuneytið segir að Íranir hafi ekki í hyggju að afsaka eða gleyma „afbrotum Bandaríkjanna gegn írönsku þjóðinni.“ En ráðuneytið segir einnig að þetta komi ekki í veg fyrir ákveðin samskipti á milli landanna. Þetta er túlkað sem vilji til að halda öllum möguleikum opnum.

En sérfræðingar segja að það sé ekki sjálfgefið að hægt sé að endurvekja kjarnorkusamninginn. Í stuttu máli snýst hann um að Íran sleppur við efnahagslegar refsiaðgerðir gegn því að takmarka auðgun úrans og að eftirlitsmenn  fái aðgang að kjarnorkustöðvum í landinu.

Trump dró Bandaríkin út úr samningnum 2018 og á síðasta ári drógu Íranir sig út úr honum.

Biden, sem var varaforseti þegar samningurinn var gerður 2015, hefur í hyggju að taka upp viðræður við Íran. Hann hefur einnig lýst sig reiðubúinn til að endurvekja samninginn ef Íranir virða ákvæði hans.

spot_img
spot_img
spot_img

Innlendar Fréttir