7 C
Grindavik
26. febrúar, 2021

Birta myndir af dánarstað Maradona – Komst ekki lengur upp stigann

Skyldulesning

Fjölmiðlar í Argentínu hafa birt myndir af húsinu sem Diego Maradona hafði til umráða þegar hann lét lífið fyrir viku síðan. Maradona var með húsið á leigu og borgaði fyrir það tæpar 500 þúsund krónur á mánuði.

Fjölmiðlar í Argentínu fjalla mikið um andlát Diego Maradona og hvernig það bar að garði en þessi knattspyrnuhetja lést í síðustu viku. Þessi sextugi fyrrum knattspyrnumaður frá Argentínu lést á heimili sínu í Buenos Aires í Argentínu. Fyrir þremur vikum hafði Maradona verið útskrifaður af spítala í borginni eftir að blæðing í heila koma upp. Hann gekkst undir aðgerð og hafði ekki náð bata eftir hana.

Lögreglan rannsakar nú hvort eitthvað saknæmt hafi átt sér stað en dætur Maradona halda því fram að hann hafi ekki fengið eðlilega lyfjagjöf eftir aðgerðina á heila. Í nýjustu fréttum í Argentínu kemur fram að Maradona hafi skollið harkalega á haus sinn viku eftir aðgerðina, ekkert var gert í málinu og telja aðstandendur hans það óeðilegt.

Maradona var með læknateymi og virðist það ekki hafa sinnt kappanum eins og best verður á kosið, þannig segir að enginn hafi athugað með heilsu Maradona í þrjá daga eftir höfuðhöggið. „Maradona gat ekkert ákveðið sjálfur,“ segir Rodolfo Baquè saksóknari í málinu.

Húsið hafði Maradona leigt eftir aðgerðina á sjúkrahúsi, húsið er í San Andres hverfinu Í Buenos Aires en Maradona átti að vera með herbergi á efri hæðinni. Hann hafði hins vegar ekki heilsu til að komast upp stigann.

Sökum þess hafði verið útbúið svefnherbergi á neðri hæðinni þar sem Maradona hafði aðgang að eldhúsi og fallegu útsýni. Maradona lét lífið í svefni á heimili sínu.

Myndir úr húsinu má sjá hér að neðan.

Herbergið þar sem Maradona svaf og eldhúsið sem hann notaði:

Efri hæðin og stiginn sem Maradona komst ekki lengur upp:

Innlendar Fréttir