10.3 C
Grindavik
29. september, 2022

Bjóða Lingard hátt í tvo milljarða á ári

Skyldulesning

Félag í Sádi-Arabíu hefur boðið Jesse Lingard 10 milljónir punda í árslaun fyrir að koma og spila hjá sér. The Athletic greinir frá.

Samningur Lingard við Manchester United rann út fyrir um tveimur vikum síðan. Englendingurinn komst aldrei á almennilegt skrið með félaginu.

Miðjumaðurinn var á láni hjá West Ham seinni hluta síðustu leiktíðar og stóð sig frábærlega.

Félög í Sádi-Arabíu eru stórhuga þessa stundina. CNN í Portúgal sagði í gær frá því að félag í Sádi-Arabíu hafi boðið hinum 37 ára gamla Cristiano Ronaldo svakalegan tveggja ára samning til að klára glæstan feril sinn. Hann hafnaði því hins vegar miðað við nýjustu fréttir.

Ronaldo vill komast frá Manchester United. Hann sneri aftur til félagsins í fyrra, tólf árum eftir að hann yfirgaf það fyrir Real Madrid. Sjálfur átti Portúgalinn fínasta tímabil en Man Utd hafnaði hins vegar í sjötta sæti ensku úrvalsdeildarinnar.

Ronaldo fór ekki með Man Utd í æfingaferð til Asíu á dögunum. Sagt er að það sé af fjölskylduástæðum, þó það megi draga það í efa í ljósi sögusagna um framtíð leikmannsins.

Enski boltinn á 433 er í boði

spot_img
spot_img
spot_img

Innlendar Fréttir