10.3 C
Grindavik
29. september, 2022

Björn Ingi gjaldþrota

Skyldulesning

Björn Ingi Hrafnsson.

Björn Ingi Hrafnsson fjölmiðlamaður greinir frá því á Facebook-síðu sinni að hann hafi verið lýstur gjaldþrota á dögunum. Segir hann að gjaldþrotið tengist fjölmiðlarekstri sínum.

„Það er kannski við hæfi, nú þegar akkúrat 13 ár eru í dag frá því vefmiðillinn Pressan hóf göngu sína, að segja hér frá því að í síðustu viku fór ég í persónulegt gjaldþrot vegna mála sem tengjast fjölmiðlarekstrinum fyrir nokkrum árum og hafa verið mér þungur baggi að bera um árabil. Það er ekkert skemmtilegt, en nauðsynlegt úr því sem komið var. Þetta er bara staðan, ég var í allskonar persónulegum ábyrgðum og maður verður að taka ábyrgð á eigin gjörðum, mistökum sem voru gerð og horfast í augu við staðreyndir,“ skrifar Björn Ingi.  

Hann segir að ekki snúist allt um peninga og að mikilvægast sé að vera til staðar fyrir fólkið sitt og halda heilsu. „Nú er að byrja upp á nýtt. Ég tapaði öllum mínum eigum á þessu ævintýri og það var mikill lærdómur. Er eftir margra ára varnarbaráttu orðinn málkunnugur fleiri lögfræðingum og stefnuvottum en gott getur talist, þótt flest sé það mikið sómafólk og bara að vinna vinnuna sína, og það verður kannski bara frelsi að setja þetta dæmi alltsaman á bak við sig. Ég ætla áfram bara að vera Björn Ingi á Viljanum, held kannski áfram að skrifa bækur, sinna ýmsu fleiru, vera allsgáður, rækta líkama og sál og taka þátt í þjóðmálaumræðunni meðan einhver nennir að hlusta á það og vona eins og aðrir að veröldin sé ekki á barmi kjarnorkustyrjaldar,“ skrifar Björn Ingi ennfremur.

spot_img
spot_img
spot_img

Innlendar Fréttir