8 C
Grindavik
23. apríl, 2021

Björn segir líkamsræktarstöðvar beittar ólögmætri mismunun

Skyldulesning

Líkamsræktastöðvakeðjan World Class hefur birt erindi á Facebook-síðu sinni þar sem þeirri ákvörðun yfirvalda að halda líkamsræktarstöðvum lokuðum, hið minnsta fram til 12. janúar, er andmælt.

Í bréfi Björns Leifssonar, eiganda stöðvanna, til yfirvalda sem birt er með tilkynningunni er því haldið fram að ólögmæt mismunun felist í því að halda líkamsræktarstöðvum lokuðum á sama tíma og opnun sundstaða er heimiluð, sem og íþróttaiðkun úti undir beru lofti. Björn birtir lögfræðimat þessa efnis og segir í bréfi sínu til yfirvalda:

„Ákvörðun um að halda heilsuræktarstöðvum lokuðum þegar opnað er fyrir sambærilega starfsemi sé ekki lögmæt. Frá því megi ekki víkja nema með rökstuðningi sem byggist á málefnalegum grundvelli.

Í ljósi þeirra miklu hagsmuna sem eru af því að heilsuræktarstöðvar landsins fái að hefja starfsemi að nýu fer ég þess á leit að slík ákvörðun verði tekin með takmörkunum einum sem styðjast við málefnaleg rök.“

Björn birtir ennfremur lögfræðiálit frá lögmannastofunni Mörkinni þar sem staðhæft er að mismunum innan þriggja sviða, íþróttastarfs, sund- og baðstaða og líkamsræktarstöðva sé óheimil nema mismununin byggist á veigamiklum málefnalegum sjónarmiðum.

spot_img
spot_img
spot_img

Innlendar Fréttir