Bloggfærsla Kristjáns um ástandið í Eyjum vekur athygli – „Með því verra sem maður hefur séð í dágóðan tíma“ – DV

0
72

Bloggfærsla Kristjáns Inga Gunnarsson, á heimasíðu Breiðabliks vekur mikla athygli. Kristján skrifar þar um leik ÍBV og Breiðabliks sem fram fór í Bestu deild karla í gær.

ÍBV vann þar mjög óvæntan 2-1 sigur á gestunum úr Kópavogi. Íslandsmeistarar Breiðabliks eru komnir með bakið upp við vegg í deildinni eftir tvö töp í fyrstu þremur umferðum mótsins.

Leikurinn í gær fór fram á hinum glæsilega Hásteinsvelli en eins og aðrir grasvellir á Íslandi er hann ekki í sínu besta standi.

„Ég vissi eiginlega ekki hvernig ég ætti að byrja þessa samantekt ef ég á að vera hreinskilinn. Víti í Vestmannaeyjum, vonbrigði í Vestmannaeyjum, vindur í Vestmannaeyjum eða bara vesen í Vestmannaeyjum,“ skrifar Kristján Ingi í færslu vefsíðunni Blikar.is.

Hann segir að ástandið á vellinum hafi minnt hann á aðstæður sem ættu heima í bumbubolta.

„Það var margt í gangi á Hásteinsvelli í dag sem minnti frekar á bumbubolta en Bestu deild á Íslandi. Þá er ég fyrst og síðast að tala um vallaraðstæður, umgjörð og fleira en svona er bara staðan. Breiðablik fór á þennan völl í fyrra og gerði 0-0 jafntefli og völlurinn var litlu skárri þar sem ekki var búið að slá eða vökva völlinn. Við eigum að vera vön þessu veseni en vallaraðstæður í dag voru með því verra sem maður hefur séð í dágóðan tíma í efstu deild,“ skrifar Kristján.

Kristján fagnar því að ÍBV þurfi líklega ekki að fara aftur til Eyja í sumar. „Það er eiginlega ekki hægt að taka neitt út úr þessum leik við ÍBV vegna þess hvernig aðstæður voru, ég er aðallega bara feginn að vera búinn að fara þangað. Þessir 2 leikir á móti HK og ÍBV fara í reynslubankann og mótið er rétt að byrja ef við reynum að vera jákvæð,“ segir Kristján.