4 C
Grindavik
7. mars, 2021

Brá illilega í brún – Risastór könguló var búin að koma sér fyrir undir hurðarhúninum

Skyldulesning

Christine Jones, frá New South Wales í Ástralíu, brá illilega í brún nýlega þegar hún ætlaði að fara að setjast inn í bílinn sinn. Hún sá að eitthvað stórt og loðið hafði komið sér vel fyrir undir hurðarhúninum. Christine hélt í fyrstu að um loðna fiðrildalirfu væri að ræða en þegar hún kom nær bílnum sá hún að um risastóra könguló var að ræða.

Hún skrifaði um þetta í Facebookhóp þar sem Ástralar hjálpast að við að bera kennsl á köngulær en af þeim er nóg í Ástralíu. „Ég hef ekki notað bílinn minn í viku,“ skrifaði hún.

Meðlimir hópsins voru nokkuð sammála um að um huntsman könguló væri að ræða. Þær geta orðið risastóra en eru hvorki hættulegar né árásargjarnar.

Mörg þúsund manns hafa tjáð sig um málið. Einn stakk upp á Christine myndi stinga köngulóna með priki til að fá hana til að hlaupa í burtu. Annar taldi að það væri nú ekki mjög góð hugmynd, „Köngulóin tekur prikið bara af henni og potar í hana,“ skrifaði sá.

„Því miður, þetta er ekki lengur bíllinn þinn. Köngulóin á hann núna,“ skrifaði annar.

Innlendar Fréttir