7 C
Grindavik
23. apríl, 2021

Brady slapp við verstu taphrinu sína í átján ár og „hinir taplausu“ töpuðu aftur

Skyldulesning

Úrslitakeppni NFL-deildarinnar nálgast óðum og línur eru eitthvað farnar að skýrast. Það verður samt barist hart um mörg sætin á næstu þremur vikum.

Kansas City Chiefs og Green Bay Packers tryggðu sér bæði sigur í sínum riðlum í NFL-deildinni í gær og hlutirnir líta aðeins betur út hjá Tampa Bay Buccaneers eftir að Tom Brady og félagar stoppuðu blæðinguna hjá sér.

Meistarar Kansas City Chiefs eru komnir upp fyrir Pittsburgh Steelers í Ameríkudeildinni eftir úrslitin í gær og nótt.

Patrick Mahomes, leikstjórnandi Kansas City Chiefs, komst upp með það að kasta boltanum þrisvar sinnum frá sér og að lenda 10-0 undir á móti Miami Dolphins. Mahomes og félagar svöruðu með 30 stigum í röð og unnu á endanum sex stiga sigur, 33-27. Útherjinn Tyreek Hill er illviðráðanlegur þessa dagana en hann skoraði tvívegis í leiknum.

Þessi sigur Kansas City liðsins var tólfti sigur liðsins á tímabilinu og tap Pittsburgh Steelers þýðir að Höfðingjarnir eru í efsta sætu Ameríkudeildarinnar.

Pittsburgh Steelers vann ellefu fyrstu leiki tímabilsins en tapaði öðrum leiknum í röð í nótt. Buffalo Bills vann Steelers liðið 26-15 og er nú búið að vinna þrjá leiki í röð og tíu leiki á tímabilinu. Þetta er besti árangur Bills liðsins á þessum tímapunkti á leiktíðinni.

Tom Brady og félagar í Tampa Bay Buccaneers voru búnir að tapa tveimur leikjum í röð og þremur af síðustu fjórum leikjum þegar þeir fengu Minnesota Vikings í heimsókn á Flórída. Brady hafði ekki tapað þremur leikjum í röð síðan 2002 eða í átján ár.

Minnesota Vikings komst í 6-0 í leiknum en Brady svaraði þá með 48 jarda bombu á Scotty Miller sem skoraði snertimark og kveikt í sínu liði. Rob Gronkowski skoraði líka eftir sendingu Brady og Buccaneers liðið vann leikinn 26-14. Brady slapp því við sína verstu taphrinu í næstum því tvo áratugi.

Nýliðinn Jalen Hurts leiddi Philadelphia Eagles til 24-21 sigur á gríðarsterku liði New Orleans Saints í hans fyrsta leik í byrjunarliði í NFL-deildinni. Saints var búið að vinna níu leiki í röð en missti nú toppsætið í Þjóðadeildinni til Green Bay Packers.

Jalen Hurts komst í hóp með Lamar Jackson en þeir eru einu leikstjórnendurnir sem hafa hlaupið með yfir hundrað jarda með boltann i sínum fyrsta byrjunarliðsleik. Það varð enn merkilega þegar menn skoða það að Saints-liðið var búið að spila 55 leiki í röð án þess að mótherji þeirra hefði hlaupið meira en hundrað jarda með boltann.

Green Bay Packers þakkaði fyrir hjálpinu frá Eagles og komst í efsta sætið með 31-24 sigur á Detroit Lions. Aaron Rodgers var öflugur í lokin, skoraði sjálfur snertimark og fann innherjann Robert Tonyan líka en þessi tvö snertimörk tryggði Packers sigurinn í fjórða leikhlutanum.

Úrslitin í NFL-deildinni í gær:

  • Buffalo Bills 26-15 Pittsburgh Steelers
  • Seattle Seahawks 40-3 New York Jets
  • Las Vegas Raiders 27-44 Indianapolis Colts
  • Detroit Lions 24-31 Green Bay Packers
  • Los Angeles Chargers 20-17 Atlanta Falcons
  • Philadelphia Eagles 24-21 New Orleans Saints
  • San Francisco 49ers 15-23 Washington
  • Miami Dolphins 27-33 Kansas City Chiefs
  • Chicago Bears 36-7 Houston Texans
  • Jacksonville Jaguars 10-31 Tennessee Titans
  • Carolina Panthers 27-32 Denver Broncos
  • Tampa Bay Buccaneers 26-14 Minnesota Vikings
  • New York Giants 7-26 Arizona Cardinals
  • Cincinnati Bengals 7-30 Dallas Cowboys

NFL er á Stöð 2 Sport en upplýsingar um útsendingar má finna hér. NFL er hluti af Stöð 2 Sport erlent sem kostar 3.990 krónur á mánuði. Beinar útsendingar frá öllum leikjum eru á NFL Game Pass sem hægt er að kaupa sem viðbót við Sportpakkann á 2.000 krónur á mánuði.

spot_img
spot_img
spot_img

Innlendar Fréttir