5 C
Grindavik
6. maí, 2021

Brandari Ómars vekur mikla reiði – „Djöfull á ég eftir að fá mikið hatur á mig núna“

Skyldulesning

Myndband sem Ómar nokkur birti á samfélagsmiðlinum TikTok hefur vakið mikla umræðu og reiði á miðlinum. Í myndbandinu segir Ómar brandara sem mörgum finnst ekki vera í lagi.

„Það var stelpa sem spurði mig: Af hverju er í lagi fyrir stráka að sofa hjá mörgum stelpum en fyrir stelpur þá er ekki í lagi að sofa hjá mörgum strákum? Ég sagði að það væri rosalega einfalt. Ef þú ert með lykil sem getur opnað marga lása þá ertu með fokking snilldar lykil. En ef þú ert með lás sem margir lyklar geta opnað þá ertu eiginlega bara með ónýtan lás,“ sagði Ómar í myndbandinu.

Ómar virðist hafa gert sér grein fyrir því að brandarinn yrði umdeildur þar sem hann skrifaði eftirfarandi í lýsingu við myndbandið. „Djöfull á ég eftir að fá mikið hatur á mig núna fyrir þennan brandara.“

Það kom á daginn að Ómar vakti ekki sérlega mikla lukku hjá mörgum með brandaranum. „Okei vá, ég var að vona að við hefðum skilið svona hugsanahátt eftir í árinu 1870. Aumingja drengurinn að eiga svona fáar heilasellur eftir,“ skrifar stelpa nokkur í athugasemd við myndbandið. „Æj drullaðu þér bara aftur í kjallarann hjá mömmu þinni,“ skrifar önnur. „Hahaha svo fyndið að hlutgera konur og slutshamea á appi sem er mest notað af ungum krökkum,“ skrifar síðan önnur í kaldhæðni.

Margir komu Ómari til varnar í athugasemdunum og vildu meina að þetta væri í lagi. „Ég er stelpa og ég hló,“ segir ein. „Hann er ekki að meina þetta, þetta er brandari? Af hverju getum við ekki stundum bara gert grín að hvoru öðru og bara hlegið?“ spyr önnur. „Djöfulsins meistari ahahaha,“ skrifar einn strákur síðan og aðrir taka í sama streng.

Hér fyrir neðan má sjá myndbandið sem um ræðir:

@omarottarssondjöfull á ég eftir að fá mikið hatur á mig núna fyrir þennan brandara 😬🤫😅♬ original sound – Ómar Smári Óttarsson
spot_img
spot_img
spot_img

Innlendar Fréttir