2 C
Grindavik
7. maí, 2021

Brjálaður út í Carragher og segir hann tala skít

Skyldulesning

Kia Joorabchian umboðsmaður knattspyrnumanna er allt annað en sáttur með Jamie Carragher sérfræðing Sky Sports og ummæli sem hann lét falla á mánudag.

Carragher var þá að gagnrýna kaup Arsenal undanfarið og sagði þau lykta af samstarfi við Kia Joorabchian sem er umboðsmaður Willian, David Luiz, Cedric Soares og Gabriel Magalhães sem allir hafa komið til Arsenal á síðustu árum.

Joorabchian skilur ekki hvers vegna Sky Sports rak ekki Carragher úr starfi á síðasta ári þegar hann hrækti á stuðningsmann Manchester United. „Ég skil að Gary Neville hafi bjargað starfinu hans eftir þetta slæma mál, ég skil að hann vilji búa sér til orðspor með því að segja eitthvað sem er ekki satt,“ sagði Joorabchian.

„Jamie er eitt af andlitum Sky Sports, hann fær virkilega vel borgað. Ég skil ekki hvers vegna hann skoðar ekki staðreyndir.“

Joorabchian segist ekkert hafa að gera með þessi kaup Arsenal annað en að vera umboðsmaður. „Staðreyndin er sú að ég ýtti þessum félagaskiptum Willian ekki í gegn, Mikel Arteta hitti hann þrisvar til að sannfæra hann um að koma. Hann gat verið áfram hjá CHelsea og tvö önnur félög í úrvalsdeildinni gerðu honum tilboð. Inter Miami kom líka með rausnarlegt tilboð en Arteta sannfærði hann.“

„David Luiz var í sömu stöðu, þegar útgöngubannið var þá sannfærði Arteta hann um að vera áfram. Gabriel gat farið í þrjú önnur félög.“

„Af hverju borgar Sky honum svona mikinn pening til að tala skít?“

Enski boltinn á 433 er í boði

spot_img
spot_img
spot_img

Innlendar Fréttir