Bryce Young valinn fyrstur í nýliðavali NFL-deildarinnar – Vísir

0
71

Bryce Young valinn fyrstur í nýliðavali NFL-deildarinnar Houston Texans var í sviðsljósinu í nýliðavali NFL-deildarinnar í nótt enda átti félagið valrétt númer tvö og þrjú.

Texans nýtti valréttina vel. CJ Stroud frá Ohio State er framtíðarleikstjórnandi liðsins og Will Anderson er einn mest spennandi varnarmaður sem hefur komið fram lengi. Framtíðin ætti að vera bjartari með þessi nýju andlit í liðinu.

Það var aftur á móti Carolina Panthers sem átti fyrsta valrétt og hann var nýttur til þess að velja hæfileikabúntið Bryce Young frá Alabama. Leikstjórnandi af guðs náð sem hefur allt til að blómstra í deildinni.

Indianapolis Colts er einnig komið með nýjan leikstjórnanda en hinn mjög svo spennandi Anthony Richardson frá Florida fór þangað. Verður áhugavert að sjá hvernig þessum guttum gengur að snúa við gengi þessara liða á næstu árum.

Það er alltaf einhver einn sem á ömurlegt kvöld í þessu nýliðavali og að þessu sinni var það leikstjórnandinn Will Levis frá Kentucky. Sá er helst þekktur fyrir að setja mæjones í kaffið sitt og borða banana með hýðinu.

Fyrir tveimur dögum fór sterkur orðrómur í gang (sem byrjaði á Reddit) að hann yrði valinn með fyrstu mönnum. Svo fór að hann var ekki valinn í fyrstu umferð. Hann átti óþægilegt kvöld í sínu sæti en verður líklega valinn í kvöld er nýliðavalið heldur áfram.

TOPP TÍU:

Bryce Young (leikstjórnandi) – Carolina Panthers CJ Stroud (leikstjórnandi) – Houston Texans Will Anderson (varnarmaður) – Houston Texans Anthony Richardson (leikstjórnandi) – Indianapolis Colts Devon Witherspoon (bakvörður) – Seattle Seahawks Paris Johnson (sóknartæklari) – Arizona Cardinals Tyree Wilson (varnarmaður) – Las Vegas Raiders Bijan Robinson (hlaupari) – Atlanta Falcons Jalen Carter (varnarmaður) – Philadelphia Eagles Darnell Wright (sóknartæklari) – Chicago Bears