8 C
Grindavik
15. apríl, 2021

Byrjaði að hugsa um húðina eftir helgarferð með Garðari Gunnlaugs

Skyldulesning

„Ég er óhræddur að vera bara ég, sama hvað það þýðir á hverri stundu,“ segir Nökkvi Fjalar Orrason. Hann er þekktur fyrir að vera einstaklega hress og drífandi og hefur verið það alveg frá því hann var barn.

„Ég viðurkenni að ég hef farið út af sporinu og misst svolítið track á því hver ég er,“ segir Nökkvi meðal annars í nýjasta þætti af Snyrtiborðið með HI beauty. Nökkvi Fjalar fer þar meðal annars yfir sínar uppáhalds hárvörur og snyrtivörur. Rútínuna hefur hann notað síðustu fjögur ár og inniheldur það meðal annars vörur fyrir hár, húð og skegg. 

Byrjaði allt á veðmáli

„Ég tapaði veðmáli árið 2016 við Garðar Gunnlaugs. Hann var markakóngur Pepsí deildarinnar.“

Veðmálið gekk út á að ef Garðar myndi vinna gullskóinn myndi Nökkvi bjóða honum út á leik, þar sem þeir eru báðir Arsenal menn.

„Þetta er náttúrulega fjallmyndarlegur einstaklingur og húðin á honum er „on fleek,“ það er bara þannig,“ útskýrir Nökkvi. Í þessari ferð deildu þeir herbergi og veitti þetta Nökkva mikinn innblástur varðandi umhirðu húðarinnar.

„Ég er hrifin af því að sjá manneskju sem er búin að gera eitthvað vel og læra af henni.“

Fjórum árum síðar er Nökkvi enn að nýta sér það sem hann lærði af Garðari í þessari ferð. Leyndarmálið hans er svo sérstakt augngel. Allt um rútínu Nökkva má heyra í spjalli hans við þær Heiði Ósk og Ingunni Sig í spilaranum hér fyrir neðan.

Klippa: Snyrtiborðið með HI beauty – Nökkvi Fjalar

Heiður Ósk og Ingunn Sig eigendur Reykjavík Makeup School eru þáttastjórnendur Snyrtiborðsins með HI Beauty. Þær eru farðaðar með vörum frá YSL beauty, Urban Decay og Lancome. Þættirnir eru teknir upp í Reykjavík Makeup School og verða sýndir vikulega hér á Vísi. 

Instagram: @the_hibeauty

Innlendar Fréttir