Einn er sá maður hér um borð sem er yfirleitt djúpþenkjandi og spáir mjög í heimsmálin. Það er Halldór Schmidt, sjóhundur mikill sem hefur marga fjöruna sopið í gegnum tíðina.
Í lok þessa síðasta túrs covidársins 2020 lét hann þessi fleygu orð falla;
” Ef þér líður illa einum með sjálfum þér, þá ertu í slæmum félagsskap!”
Svo mörg voru þau orð!
Nú síðustu dagana fyrir jól eru allir að keppast við að klára allt fyrir jólin eins og venjan er. Eitt er þó eftir hjá þeim Brynjólfi og Auðunni en það er jólaklippingin. Þeir eru að verða úrkula vonar um að komast nokkurs staðar að fyrir jólin, meira að segja Egill, sérstakur rakari okkar skipverja sér engan möguleika á að koma þeim að sökum anna. “Það er bara allt sneisafullt að gera” sagði Egill aðspurður.
Auðunn...
Þau válegu tíðindi bárust að afloknum litlu jólunum hér um borð að bilun hefði orðið í framleiðslu heita vatnsins og yrði lítið sem ekkert heitt vatn fram að jólum.
Um borð eru tvær heitavatnsdælur sem sjá til þess að heitt vatn komist í krana og sturtur skipverja en nú er fyrirsjáanleg skömmtun þar sem þær eru báðar bilaðar.
“Þetta hefur aldrei gerst áður á mínum sjómannsferli að báðar dælurnar bili á sama tíma og spannar hann nú...
Eins og fram hefur komið voru haldin litlu jólin um borð í kvöld. Einn er sá sem hefur hlakkað hvað mest til og beðið óþreyjufullur eftir þessum árvissa viðburði. Það er hann Auðunn okkar sem hoppaði hæð sína í loft upp þegar ákvörðunin var tekin um að hafa það í kvöld. Hann tók sig til og rakaði sig en skildi eftir yfirvaraskeggið og vildi endilega “looka” fyrir kvöldið.
Auðunn er mikið jólabarn og sést það...
Loksins loksins eftir langa bið komu loks litlu jólin hér um borð, stund sem margir höfðu beðið eftir með mikilli eftirvæntingu, sumir svo mikilli að þeir gátu ekki sofið síðustu frívaktir
Allir fengu pakka og voru margir gríðarspenntir að opna og kíkja í pakkann
Krumminn mun fjalla meira um þessi litlu covid jól á næstu dögum...
Fyrirhugað er að halda litlu jólin hér um borð í kvöld föstudag. Er ekki hægt að segja annað en að spennan stigmagnist siðustu daga og eru sumir orðnir yfirspenntir, því heyrst hefur að allir fái pakka!
Búið er að gera fínt í brúnni, búið að setja upp jólaseríu og allt og eru allir orðnir yfir spenntir og hlakka mikið til kvöldsins.
Mun blm gera sitt besta í að mynda og segja frá því sem að höndum...
Það hefur ekki farið hátt en hér um borð er starfrækt harðfiskvinnsla sem nýtur gífurlegrar vinsældar og velvildar meðal skipverja. Viðar vélstjóri hefur veg og vanda af þessari vinnslu sem hentar einkar vel á vinnustað sem þessum. Það verður að segjast eins og er að blm hefur sjaldan bragðað betri harðfisk og hefur hann nú smakkað hann margan. Aðspurður um leyndarmálið við gerð þessa góða fisks, var Viðar hógvær og vildi litið gefa upp...
Hér gefur að líta myndband sem tekið var upp hér um borð núna nýlega. Það hefur löngum þótt sérlega skemmtilegt að atast í kokknum og Jói kokkur er aðalviðfangsefni Vals skipstjóra en eins og kunnugir vita þá er Valur hrekkjalómur mikill. Hann kastaði járndunk eftir golfinu og viðbrögðin sjáið þið í myndbandinu 🤪
Sl laugardag kom út aukablað Morgunblaðsins sem fjallar um sjávarútveg. Er engum blöðum um það að fletta að þar innanborðs var grein um Hrafn Sveinbjarnarson GK 255, sem er aðalvígi og heimaslóð Krummans. Getur ritstjórn Krummans ekki litið öðruvísi á þetta en mjög gróflega aðför að þessari vefútgáfu sem stendur algerlega á eigin fótum meðan Morgunblaðið er á ríkisspenanum
Heyrst hefur að eftir að Krumminn hóf göngu sína hafi verið kallað til krísufundar í Hádegismóum...
Undanfarna daga hefur verið afar lélegt netsamband þar sem við á Hrafni Sveinbjarnar höfum verið að veiða. Hefur ritstjóri gríðarlegar þungar áhyggjur af þessu þar sem hriktir í grunnstoðum útgáfunnar sökum þessa. Það segir sig sjálft að þegar ekki er hægt að koma bráðnauðsynlegum fréttum í loftið minnkar áhugi almennings að fylgjast með mjög svo spennandi lífi sjómanna hér um borð.
Hefur ritstjóri ýjað að þessu við Val skipstjóra sem brást hinn versti við og...
