8.4 C
Grindavik
14. júní, 2021

Cher með skýr skilaboð – „Ég hef aldrei hatað neinn svona mikið“

Skyldulesning

Bandaríska söng- og leikkonan Cher er ekkert að skafa utan af því þegar talið berst að Donald Trump, forseta, en augljóst er að þessari 74 ára listakonu fellur ekki við forsetann. „Ég hata hann,“ er lýsing hennar á eigin afstöðu til forsetans.

Þetta sagði hún í viðtali við breska dagblaðið The Guardian. Hún hefur ekki farið leynt með óbeit sína á Trump á valdatíma hans en viðbrögð hans, eða öllu heldur skortur á þeim, við heimsfaraldri kórónuveirunnar voru kornið sem fyllti mælinn. „Í heimalandi mínu heldur forsetinn að þetta snerti hann ekki. Honum finnst hann ekki bera ábyrgð á að hjálpa okkur,“ sagði hún meðal annars.

Nú hafa rúmlega 300.000 Bandaríkjamenn látist af völdum kórónuveirunnar og enn sér ekki fyrir endann á hörmungunum. „Það er eins og 200.000 dánir séu ekki nóg blóðbað og eymd fyrir Trump,“ tísti hún fyrr á árinu um aðgerðaleysi Trump.

Í viðtalinu sagðist hún ætla að dansa af fögnuði ef Trump verður dreginn fyrir dóm þegar hann hefur yfirgefið Hvíta húsið en sérfræðingar telja að ákærur og einkamál bíði hans þegar hann nýtur ekki lengur friðhelgi sem forseti.

spot_img
spot_img
spot_img

Innlendar Fréttir