7 C
Grindavik
26. febrúar, 2021

Dæmdir fyrir að nauðga íslenskri stúlku á Krít

Skyldulesning

Frá eyjunni Krít.

Frá eyjunni Krít.

TripAdvisor

Tveir þýskir karlmenn hafa verið dæmdir fyrir að hafa nauðgað íslenskri stúlku á grísku eyjunni Krít í júní í fyrra.

Stúlkan, sem var 19 ára þegar atvikið átti sér stað, var stödd á bar þegar hún hóf spjall við mennina tvo, sem þá voru 35 og 39 ára, að því er The Sun greindi frá.

Þegar hún yfirgaf staðinn slógust þeir í för með henni en þegar þau gengu framhjá dimmu húsasundi drógu þeir hana þangað og nauðguðu henni.

Árásarmennirnir flúðu af vettvangi og skildu stúlkuna eftir illa á sig komna. Hún lét lögregluna vita og voru mennirnir handteknir í kjölfarið.

Ekki kemur fram hvenær dómurinn féll. Stúlkan er sögð hafa gefið skýrslu fyrir dómi í Grikklandi eftir að hafa ferðast þangað með móður sinni. 

Innlendar Fréttir